पुणे : सरकारी नोकरी मिळावी, यासाठी अनेकांचा प्रयत्न असतो. त्यात काहींना यश मिळते तर काहींना प्रतिक्षाच करावी लागते. पण आता दक्षिण पूर्व मध्य रेल्वे विभागात रिक्त पदांवर भरती केली जात आहे. त्यानुसार, पात्र असणाऱ्या उमेदवारांकडून अर्ज मागविण्यात येत आहे. या भरती प्रक्रियेंतर्गत ऑनलाईन पद्धतीने अर्ज करता येणार आहे.
दक्षिण पूर्व मध्य रेल्वे विभागात कॉन्ट्रॅक्ट मेडिकल प्रॅक्टिशनर्स या पदासाठी भरती प्रक्रिया सुरु होत आहे. यामध्ये निवड झालेल्या उमेदवाराला नागपूर येथे जाऊन नोकरी करावी लागणार आहे. या प्रक्रियेंतर्गत एक रिक्त पद भरले जाणार आहे. संबंधित उमेदवाराची निवड ही मुलाखतीच्या माध्यमातून केली जाणार आहे. यामध्ये निवड झालेल्या उमेदवाराला 75 हजारांपर्यंत पगार मिळू शकणार आहे.
या भरती प्रक्रियेबाबत अधिक माहितीसाठी https://secr.indianrailways.gov.in/ या अधिकृत वेबसाईटवरून माहिती घेता येणार आहे.
अशी असेल भरती प्रक्रिया…
– पदाचे नाव : कॉन्ट्रॅक्ट मेडिकल प्रॅक्टिशनर्स.
– एकूण रिक्त पदे : 01 पदे.
– नोकरीचे ठिकाण : नागपूर.
– वयोमर्यादा : 52 वर्षांपर्यंत.
– वेतन / मानधन : दरमहा रु. 75,000/-.
– अर्ज करण्याची पद्धत : ऑनलाईन (ई-मेल).
– अर्ज करण्याची शेवटची तारीख : 27 ऑगस्ट 2024.
– अर्ज पाठवण्याचा ई–मेल आयडी : srdponagpur@gmail.com
– निवड प्रक्रिया : मुलाखत.
– मुलाखतीची तारीख : 30 ऑगस्ट 2024.
