पुणे : रेल्वेत नोकरी मिळावी यासाठी अनेकांचा प्रयत्न असतो. काहींना संधी मिळते तर काहींना प्रतिक्षाच करावी लागते. पण तुम्ही देखील रेल्वेत नोकरी करण्यास इच्छुक असाल तर आम्ही तुम्हाला आज मध्य रेल्वेच्या मुंबई विभागात असणाऱ्या रिक्त पदांबाबत माहिती देणार आहोत. यातील महत्त्वाची बाब म्हणजे तुम्हाला ऑनलाईन पद्धतीने अर्ज करता येणार आहे.
रेल्वे भरती सेल, मध्य रेल्वेच्या मुंबई विभागात ही भरती प्रक्रिया राबवली जात आहे. त्यानुसार, पात्र असणाऱ्या उमेदवारांकडून अर्ज मागविण्यात येत आहे. गट क आणि गट ड या पदासाठी भरती प्रक्रिया सुरु होत आहे. यामध्ये निवड झालेल्या उमेदवाराला मुंबई येथे जाऊन नोकरी करावी लागणार आहे. या प्रक्रियेंतर्गत 62 रिक्त पद भरली जाणार आहेत. संबंधित उमेदवाराची निवड ही मुलाखतीच्या माध्यमातून केली जाणार आहे.
तसेच ऑनलाईन पद्धतीने अर्ज करावा लागणार असला तरी यासाठी 21 ऑगस्ट 2024 ही अर्ज करण्याची शेवटची तारीख असणार आहे. या भरती प्रक्रियेबाबत अधिक माहितीसाठी https://rrccr.com/ या अधिकृत वेबसाईटवरून माहिती घेता येणार आहे.
