पुणे : सरकारी नोकरी मिळावी यासाठी अनेकांचा प्रयत्न असतो. त्यात काहींना यश मिळते तर काहींना प्रतिक्षाच करावी लागते. तुम्ही देखील नोकरीच्या शोधात असाल तर तुमच्यासाठी ही आनंदाची बातमी असणार आहे. कारण, मुंबई उच्च न्यायालयाच्या औरंगाबाद (संभाजीनगर) येथे रिक्त पदांवर भरती केली जात आहे. त्यानुसार, पात्र असणाऱ्या उमेदवारांकडून अर्ज मागविण्यात येत आहे.
मुंबई उच्च न्यायालयाच्या औरंगाबाद (संभाजीनगर) येथे कनिष्ठ अनुवादक आणि दुभाषी या पदांसाठी भरती प्रक्रिया सुरु होत आहे. यामध्ये निवड झालेल्या उमेदवाराला औरंगाबाद (संभाजीनगर) येथे जाऊन नोकरी करावी लागणार आहे. या प्रक्रियेंतर्गत एकूण 7 रिक्त पदे भरली जाणार आहेत. संबंधित उमेदवाराची निवड ही मुलाखतीच्या माध्यमातून केली जाणार आहे. या पदासाठी 15 मे 2024 पासून अर्ज करता येणार असून, 29 मे 2024 ही अर्ज करण्याची शेवटची तारीख असणार आहे.
अशी असेल भरती प्रक्रिया…
– पदाचे नाव : कनिष्ठ अनुवादक आणि दुभाषी.
– एकूण रिक्त पदे : 07 पदे.
– नोकरीचे ठिकाण : औरंगाबाद.
– शैक्षणिक पात्रता : पदवीधर.
– वेतन / मानधन : दरमहा 49,100 ते 1,55,800 रुपयांपर्यंत.
– वयोमर्यादा : 18-38 वर्षे.
– अर्ज करण्याची पद्धत : ऑनलाईन.
– अर्ज प्रक्रिया सुरू होण्याची तारीख : 15 मे 2024.
– अर्ज करण्याची शेवटची तारीख : 29 मे 2024.
– या भरती प्रक्रियेबाबत अधिक माहितीसाठी अधिकृत वेबसाईट https://bombayhighcourt.nic.in/ वरून माहिती घेता येणार आहे.
