पुणे : लष्करामध्ये अधिकारी म्हणून काम करणाऱ्यांसाठी अभियांत्रिकीची पदवी असलेल्या तरुणांना मोठी संधी आहे. भारतीय सैन्यदलाकडून ‘टेक्निकल ग्रॅज्युएट कोअर्स’ च्या (टीजीसी-१३७) प्रवेशासाठी ऑनलाइन प्रक्रिया सुरु होणार आहे.
अभियांत्रिकीची पदवी किंवा अभियांत्रिकी पदवीच्या शेवटच्या वर्षात असलेल्या केवळ पुरूष उमेदवारांना सहभाग घेता येणार आहे.‘टेक्निकल ग्रॅज्युएट कोअर्स’च्या (टीजीसी-१३७) प्रवेशासाठीचीअधिक माहिती आणि ऑनलाइन अर्ज करण्यासाठी www.joinindianarmy.nic.in या सैन्यदलाच्या अधिकृत संकेतस्थळावर उपलब्ध आहे.
ऑनलाइन अर्ज प्रक्रिया १६ नोव्हेंबरपासून दुपारी ३ नंतर सुरू होणार आहे. उमेदवारांना १५ डिसेंबर २०२३ पर्यंत अर्ज करता येणार आहे.
यासाठी लेखी परीक्षा न घेता सर्व्हिस सिलेक्शन बोर्डाच्या मुलाखतींद्वारे (एसएसबी) निवड केली जाणार आहे. २७ वर्षांपर्यंत वयोमर्यादा ठेवण्यात आली आहे. असून एकूण ४० पदे रिक्त ठेवण्यात आली आहेत.
पदवीतील गुणवत्तेच्या आधारावर एसएसबीसाठी उमेदवारांची निवड केली जाणार आहे. उत्तीर्ण झालेल्या उमेदवारांना डेहराडून येथील इंडियन मिलिटरी ॲकॅडमीमध्ये (आयएमए) प्रशिक्षण दिले जाणार आहे.
