निसर्गामधील अनेक अशा गोष्टी आहेत त्याचा आपल्याला मोठा फायदा होतो. ऑलिव्ह ऑईल त्यापैकी एक आहे. याच्या समावेशाने आरोग्य सुदृढ राहते. ऑलिव्ह ऑईलमुळे हृदय, कर्करोग, मधुमेह आणि अकाली होणाऱ्या मृत्यूचा धोका कमी होतो. ऑलिव्हमध्येही अनेक महत्त्वाचे पोषक घटक असतात. ऑलिव्हच्या पानांचे फायदेही अनेक आहेत.
ऑलिव्हची पाने पारंपारिकपणे भूमध्य प्रदेशात चहा म्हणून वापरली जातात आणि ताप आणि मलेरियावर उपचार करण्यासाठी वापरली जातात. ऑलिव्हच्या पानात ‘ओल्युरोपेन’ नावाचा अँटीऑक्सिडंट मोठ्या प्रमाणात आढळतो. हे ऑलिव्ह आणि त्याच्या तेलात देखील आढळते. पान जितके हिरवे (कमी पिवळे) तितके जास्त ‘ओलेरोपेन’ असते. ऑलिव्हच्या पानांमध्ये ‘हायड्रॉक्सीटायरोसोल’, ‘ल्युटिओलिन’, ‘एपिजेनिन’ आणि ‘वर्बास्कोसाइड’सारखे इतर अँटिऑक्सिडंट्स देखील असतात. अँटिऑक्सिडंट्स शरीरातील ऑक्सिडेटिव्ह ताण कमी करतात.
ऑलिव्हच्या पानांच्या अर्काने हृदयविकाराच्या जोखीम कमी होऊ शकते. तुम्हाला उच्च रक्तदाब, मधुमेह किंवा उच्च रक्तातील लिपिड्स (उच्च कोलेस्टेरॉल) असल्यास, ऑलिव्हच्या पानांचा अर्क घेतल्याने तुम्हाला फायदा होऊ शकतो. मात्र, हे करताना तुम्ही प्रथम तुमच्या डॉक्टरांशी याबद्दल उपचार करणे गरजेचे आहे.
