आपल्या निसर्गात उन्हाळा, पावसाळा आणि हिवाळा हे ऋतू आहेत. ऋतूमानानुसार, हवामानात बदल जाणवतो. कधी-कधी या बदलामुळे हिवाळ्यातील अनेक आजारही उद्भवू शकतात. पण काही खबरदारी घेतल्यास आजारांना टाळता येऊ शकतं. अशाच काही गोष्टींची माहिती आम्ही तुम्हाला आज सांगणार आहोत.
हिवाळ्यात आजारांपासून दूर राहायचं असेल तर संपूर्ण धान्य, मांस, मासे, कोंबडी, शेंगा, सुका मेवा, बियाणे, औषधी वनस्पती, मसाले, ताजी फळे आणि भाज्या यांचा समतोल आहार घेतल्यास रोगप्रतिकारशक्ती वाढते. व्हिटॅमिन सी समृद्ध असलेले पदार्थही आपण अधिक सेवन करू शकतो. कारण त्यामुळे रोगप्रतिकारशक्ती वाढते. चांगली झोप हीदेखील महत्त्वाची असते. शरीराची रोगप्रतिकारकशक्ती निरोगी ठेवण्यास मदत करते, तणाव संप्रेरक कॉर्टिसॉल काढून टाकते आणि स्नायूंच्या पुनर्प्राप्तीसाठी देखील मदत करते. चांगले आरोग्य राखण्यासाठी झोप अत्यंत आवश्यक आहे, त्यामुळे किमान 7-8 तास गाढ झोप घ्या.
हिवाळ्यात तंदुरुस्त राहण्यासाठी शारीरिक हालचाली करण्याचा सल्ला दिला जातो. त्यात योगासने, धावणे, चालणे किंवा स्ट्रेंथ ट्रेनिंग करून तुम्ही तुमचे शरीर उबदार ठेवू शकता. यामुळे, फ्लू किंवा सर्दी सारख्या हंगामी आजारांपासून संरक्षण करताना रोगप्रतिकारशक्ती मजबूत राहू शकते. हिवाळ्यात त्वचेचे नुकसान हा मोठा धोका असतो. थंडीमुळे त्वचेचे नुकसान होते, त्यामुळे त्वचा कोरडी होते आणि खाज सुटते, ओठ फुटतात आणि टाच फुटतात. हिवाळ्यात त्वचेची काळजी घेण्यासाठी मॉइश्चरायझर लावायला विसरू नका.
