Summer Tips | उन्हाळ्यात अनेक जण घामोळ्याच्या समस्यांनी त्रस्त असता. मात्र काही घरगुती उपाय केले तर या त्रासापासून सुटका करून घेता येऊ शकते.
जाणून घ्या घामोळ्यांवर घरगुती उपाय –
१. घामोळे आलेल्या जागी कोरफड लावल्याने आराम मिळतो. कोरफड लावल्यानंतर अर्ध्या तासानंतर थंड पाण्याने धुऊन टाका. यामुळे बराच थंडावा मिळतो.
२. दह्यामध्ये अँटीबॅक्टेरियल गुणधर्म असतात. दही फेटून ते घामोळे झालेल्या जागेवर लावा. १५ ते २० मिनिटांनंतर धुऊन टाका. दररोज दिवसातून एकदा हा लेप लावू शकता.
३. मुलतानी मातीमध्ये अँटीमायक्रोबियल्स गुणधर्म असतात. तसेच मुलतानी माती त्वचेला थंडावाही देते. मुलतानी मातीचा लेप लावल्यास उष्णतेमुळे उठलेलं पुरळ कमी होतं. एक चमचा मुलतानी मातीमध्ये थोडंसं पाणी घेऊन त्याची पेस्ट तयार करुन घामोळे आलेल्या जागेवर लावा. लेप सुकल्यानंतर तो धुवून टाका.
४. घामोळे घालवण्यासाठी चंदन उपयुक्त आहे. त्वचेला थंडावा देण्याबरोबरच खाजही चंदनामुळे कमी होते. दोन चमचे चंदन पावडरमध्ये ४ ते ५ चमचे गुलाबपाणी घालून पेस्ट तयार करा. घामोळे झालेल्या जागेवर ही पेस्ट लावा. त्याचप्रमाणे चंदन पावडर आणि धणे पावडर समप्रमाणात घेऊन त्यात गुलाबपाणी मिक्स करुन त्याची पेस्ट तयार करून हा लेप घामोळ्यांना लाव्याने आराम मिळेल.
५. कच्ची कैरी गॅसवर ठेवून भाजून त्याचा गर काढून तो फ्रीजमध्ये ठेवून द्या. थंड झाल्यावर हा गर शरीरावर लावा. काहीवेळाने धुऊन टाका. या उपायाने घामोळ्यांपासून आराम मिळतो.
