मखाणा हा कमळांच्या बियांपासून बनवला जातो. त्यामुळे ते पोषक तत्वांचे भांडार मानले जाते. मखाणामध्ये भरपूर प्रमाणात प्रथिने, फायबर, कॅल्शियम, मॅग्नेशियम आणि लोह असते. रोज मखाणा खाण्याचे आरोग्यदायी फायदे तुम्हाला माहित नसतील तर आज जाणून घेऊया. आरोग्य फायदे आहेत.
रिकाम्या पोटी खा
मखाणा तुम्ही रोज सकाळी रिकाम्या पोटी खाऊ शकता. अन्यथा स्नॅक्स टाईमात ही खाऊ शकता. मात्र, रिकाम्या पोटी खाण्याने चांगला फायदा जाणवतो. रक्तदाबासारख्या अनेक समस्या दूर होऊ शकतात. हाडे मजबूत करण्यासाठी मखाणा फायदेशीर मानला जातो. याशिवाय रक्तातील साखरेची पातळी नियंत्रित करण्याचे काम देखील मखाणा करते.
हाडे मजबूत बनवते
मखाणामध्ये भरपूर प्रमाणात कॅल्शियम असते. जे हाडे मजबूत करण्याचे काम करते. सकाळी रिकाम्या पोटी मखना खाल्ल्याने हाडांच्या संबधित समस्या दूर होऊ शकतात.
मखाणा वाढवते रोगप्रतिकारशक्ती
सकाळी जर तुम्ही रिकाम्या पोटी मखाणा खाल्ला तर तुमची रोगप्रतिकारशक्ती वाढू शकते. मखाणामध्ये भरपूर प्रमाणात अँटीऑक्सिडंट असतात. ज्या रोगप्रतिकारशक्ती वाढवतात. शरीराला अनेक प्रकारच्या आजारांपासून वाचवण्याचे काम मखाणा करते.
रक्तातील साखरेवर नियंत्रण
सकाळी जर तुम्ही रिकाम्या पोटी मखाणा खालला तर रक्तातील साखरेची पातळी नियंत्रित ठेवण्यास मदत होते. मधुमेहाच्या रुग्णांसाठी मखाणा खूप फायदेशीर मानला जातो. मधुमेहींनी डॉक्टरांच्या सल्ल्यानेच मखाणा खावा.
पचनक्रिया सुधारते
सकाळी रिकाम्या पोटी जर तुम्ही मखाणा खालला तर तुमची पचनक्रिया देखील चांगली राहते. मखाणामध्ये मुबलक प्रमाणात फायबर आढळते, जे पचनक्रिया मजबूत करण्याचे काम करते. सकाळी रिकाम्या पोटी याचे सेवन केल्याने बद्धकोष्ठता, अपचन आणि ऍसिडिटी सारख्या समस्या सहज दूर होतात.
वजन कमी करण्यासाठी मदत
तुम्हाला जर तुमचे वजन कमी करायचे असेल तर तुम्ही तुमच्या आहारात मखाणाचा समावेश करु शकता. तुम्हाला वजनावर नियंत्रण ठेवायचे असेल तर रोज सकाळी रिकाम्या पोटी मखणा खावे. यामध्ये फॅट आणि कॅलरीज कमी असतात. या शिवाय फायबर भरपूर असते. त्यामुळे पोट जास्त काळ भरलेले राहण्यास मदत होते. यामुळे भूक लागत नाही.
