पुणे : व्यसनापासून दूर राहावं, असा अनेकदा डॉक्टरांकडून सल्ला दिला जातो. त्यात मद्याच्या सेवनाने आजारांना एकप्रकारे आमंत्रणच मिळू शकतं. दररोज दारूच्या सेवनाने ब्लड प्रेशरचा धोका उद्भवू शकतो. ही सवय शरीरासाठी नुकसानकारक असते, पण तरीही काही लोक रोज दारू पितात. तर काही लोक कधी कधी पितात.
जे लोक दररोज दारू पितात त्यांचे ब्लड प्रेशर वेगाने वाढते. सीएनएनच्या रिपोर्टनुसार, हाय ब्लड प्रेशरच्या समस्येचा सामना त्या तरूणांनाही करावा लागतो ज्यांना आधी हाय ब्लड प्रेशरची समस्या नाही. हा रिसर्च अमेरिकन असोसिएशन जर्नल हायपरटेंशनमध्ये प्रकाशित करण्यात आला आहे.
1997 ते 2021 पर्यंत 7 इंटरनॅशनल स्टडिजच्या डेटामध्ये आढळून आले की, जे लोक रोज दारूचं सेवन करतात त्यांच्यात कधी कधी दारूचं सेवन करणाऱ्या लोकांच्या तुलनेत ब्लड प्रेशर वाढण्याचा धोका जास्त असतो. हाय ब्लड प्रेशरची लक्षण समोर येईपर्यंत ही समस्या शरीराचं आतून बरंच नुकसान करते. जर बीपी कंट्रोलमध्ये नसेल तर अपंगत्व इतकंच काय तर हार्ट अटॅक किंवा स्ट्रोकचीही समस्या होऊ शकते.
ब्लड प्रेशर मरकरीच्या मिलीमीटरच्या दोन संख्यांमध्ये मोजले जाते. वरच्या नंबरला सिस्टोलिक म्हटले जाते, जे हृदयाच्या मांसपेशींचे आकुंचन आणि ब्लड पंप मोजते. तेच खालच्या नंबरला डायस्टोलिक म्हटले जाते. जे हार्ट बीटच्या मधला दबाव मोजते. स्टडीमध्ये आढळून आले की, सिस्टोलिक ब्लड प्रेशरवर दारूचा नकारात्मक प्रभाव अशा पुरूष आणि महिलांवरही पडत आहे जे दररोज फार कमी प्रमाणातही दारूचे सेवन करतात. त्यामुळे दारूच्या व्यसनापासून दूर राहावे, असा सल्ला डॉक्टरांकडून दिला जातो.
