Health पुणे : उन्हाळ्यात सुस्तपणा आणि आळस जाणवतो. थोडं काम केलं तरी थकवा येतो. उन्हाळ्यात शरीरात ऊर्जा टिकवून राहण्यासाठी नेहमी योग्य आणि संतुलित आहार घ्यावा.
जाणून घ्या उन्हाळ्यात थकवा आणि सुस्तपणा दूर करण्यासाठी उपाय…!
उन्हाळ्यात कलिंगड खा. कलिंगडमध्ये अँटिऑक्सिडेंट्स, जीवनसत्त्वे बी, सी आणि डी मोठ्या प्रमाणात आढळतात. कलिंगडामध्ये पाण्याचे प्रमाण अधिक असते तसेच कलिंगड थंड असते. त्यामुळे शरीरातील उष्णता कमी होते तसेच शरीराला ऊर्जाही मिळते.
उन्हाळ्यात रोज दुपारी एक वाटी दही अवश्य खावे. दह्यामुळे शरीरातील उष्णता कमी होते शिवाय पचनसंस्थाही व्यवस्थित राहते. पोटाचे आजार उदभवत नाहीत. आणि विशेष म्हणजे लवकर एनर्जी मिळते.
रोज सकाळी एक सफरचंद खावे. सफरचंदामुळे शरीराला ऊर्जा मिळतेच शिवाय रक्त वाढीसाठी मदत होते.
रोज डाळिंब खाल्ल्याने आपल्या शरीरातील रक्त वाढते, अशक्तपणा जातो. तसेच थकवाही दूर होतो. अधिक प्रमाणात थकवा जाणवत असेल तर, डाळिंबाच्या दाण्यांमध्ये थोडी साखर आणि मीठ मिक्स करून खा.
