Green Peas Health Benefits: पुणे प्राईम न्यूज: हिरवे वाटाणे सहसा हिवाळ्यात घेतले जातात. परंतु ते फ्रोजन आणि कोरड्या स्वरूपात वर्षभर उपलब्ध असतात. मात्र, गोठलेले वाटाणे खाणं आरोग्यासाठी चांगले मानले जात नाही, म्हणून फक्त ताजे हिरवे वाटाणे खाण्याचा सल्ला दिला जातो.
आहारतज्ज्ञांच्या मते, आपण हिवाळ्यात नियमितपणे ताजे हिरवे वाटाणे खाल्ल्यास आरोग्यास फायदे होतात. हिरवे वाटाणे प्लांट बेस्ट प्रोटीनने समृद्ध असतात, ते नियमितपणे खाल्ले तर हाडं आणि स्नायू मजबूत होतात. याशिवाय, मुलांच्या शरीराच्या विकासासाठीही ते खूप उपयुक्त ठरू शकतात. हिरवे वाटाणे हे फायबरचा समृद्ध स्रोत मानले जातात, ते खाल्ल्याने तुम्हाला दीर्घकाळ पोट भरल्यासारखं वाटतं.
ज्यांना वजन कमी करायचं आहे त्यांच्यासाठी हा योग्य आहार आहे. हिरव्या वाटाण्यामध्ये ग्लायसेमिक इंडेक्स खूप कमी असतो आणि ते रक्तातील साखरेचं प्रमाण नियंत्रित करण्यास मदत करतात. यासह ते साखरेच्या अचानक वाढीस प्रतिबंध करतात आणि फायबरच्या उपस्थितीमुळे कार्बोहायड्रेट्सचे शोषण कमी करतात. यामुळेच हिरवे वाटाणे हा मधुमेहाच्या रुग्णांसाठी उत्कृष्ट आहार आहे.
वाटाण्यामध्ये अनेक खनिजं आढळतात जी हृदयाचं आरोग्य सुधारण्यास मदत करतात, जसे की मॅग्नेशियम, पोटॅशियम आणि कॅल्शियम हे सर्व पोषक रक्तदाब सामान्य ठेवण्यास मदत करतात, ज्यामुळे हृदयविकाराचा धोका बऱ्याच प्रमाणात कमी होतो. याशिवाय, हे रक्तवाहिन्यांमधून खराब कोलेस्ट्रॉल कमी करतात.
