ICC Rankings मुंबई: भारतीय सलामीवीर शुभमन गिल एकदिवसीय क्रमवारीत नंबर वन फलंदाज बनला आहे. यापूर्वी पाकिस्तानचा कर्णधार बाबर आझम अव्वल होता, मात्र आता शुभमन गिलने बाबर आझमला मागे टाकले आहे. आयसीसी वनडे क्रमवारीत भारतीय फलंदाजांचे वर्चस्व कायम आहे. शुभमन गिलशिवाय विराट कोहली आणि रोहित शर्मा यांचा टॉप-10 फलंदाजांमध्ये समावेश आहे. विराट कोहली चौथ्या क्रमांकावर, तर रोहित शर्मा सहाव्या स्थानावर आहे.
तिन्ही फॉरमॅटमध्ये भारतीय खेळाडूंचा दबदबा…
त्याचवेळी, एकदिवसीय व्यतिरिक्त भारतीय संघ कसोटी आणि टी-20 फॉरमॅटमध्ये अव्वल आहे. तिन्ही फॉरमॅटमध्ये भारतीय संघाचा दबदबा कायम आहे. शुभमन गिल आयसीसी एकदिवसीय क्रमवारीत प्रथम क्रमांकाचा फलंदाज आहे, तर गोलंदाजांच्या क्रमवारीत मोहम्मद सिराज अव्वल स्थानावर आहे. याशिवाय रवी अश्विन कसोटी फॉरमॅटमध्ये अव्वल गोलंदाज आहे. तर रवींद्र जडेजा कसोटी फॉर्मेटमध्ये अष्टपैलू खेळाडूंमध्ये अव्वल स्थानी आहे. सूर्यकुमार यादव हा टी ट्वेन्टी फॉरमॅटमध्ये नंबर वन फलंदाज आहे.
एकदिवसीय क्रमवारीत अव्वल स्थान मिळवणारा शुभमन गिल हा चौथा भारतीय फलंदाज ठरला आहे. याआधी पाकिस्तानचा कर्णधार बाबर आझम वनडे फॉरमॅटमध्ये नंबर एक फलंदाज होता, पण आता शुभमन गिलने अव्वल स्थान पटकावले आहे. आयसीसी क्रमवारीत अव्वल स्थान मिळवणारा शुभमन गिल हा चौथा भारतीय फलंदाज आहे. एकदिवसीय क्रमवारीत अव्वल स्थान मिळवणारा सचिन तेंडुलकर हा पहिला भारतीय फलंदाज होता. यानंतर भारताचा माजी कर्णधार महेंद्रसिंग धोनी हा दुसरा फलंदाज ठरला. सचिन तेंडुलकर आणि महेंद्रसिंग धोनीनंतर विराट कोहलीने वनडे क्रमवारीत अव्वल स्थान पटकावले. त्याचबरोबर आता शुभमन गिल आयसीसी वनडे क्रमवारीत अव्वल फलंदाज बनला आहे.
