मुंबई : टीम इंडियाचा स्टार फलंदाज विराट कोहली सध्या क्रिकेटमधून मिळालेल्या ब्रेकचा भरपूर आनंद घेत आहे. शनिवारी विराट कोहली मड आयलंडमध्ये एका प्रोजेक्टच्या शूटिंगनंतर पत्नी अनुष्का शर्मासोबत स्कूटी चालवताना दिसला.
विरुष्काने त्यांच्या प्रवासादरम्यान रस्ता सुरक्षा नियमांचे पालन करत स्कुटी राईडचा मनसोक्त आनंद लुटला. याचा व्हिडीओ सध्या व्हायरल होत आहे.अनुष्का पूर्णपणे ब्लॅक आउटफिटमध्ये दिसत आहे. दुसरीकडे, किंग कोहलीने पांढऱ्या स्नीकर्ससह हिरवा शर्ट आणि काळी जीन्स घातली होती.
व्हायरल होत असलेल्या फोटोंमध्ये विराट कोहली आणि अनुष्का शर्मा यांनी काळे हेल्मेट घातले आहे. कोहली स्कूटर चालवत असताना अनुष्का शर्मा त्याच्या मागे बसली आहे.
टीम इंडिया सध्या झिम्बाब्वे दौऱ्यावर आहे. या वनडे मालिकेसाठी अनेक वरिष्ठ खेळाडूंना विश्रांती मिळाली आहे. त्यात विराटचाही समावेश आहे. विराटसह टीम इंडिया सोमवारी (२२ ऑगस्ट) आशिया चषकासाठी UAE ला रवाना होणार आहे.
सध्याच्या झिम्बाब्वे दौऱ्यावरही तो संघाचा भाग नाही. आता कोहली थेट आशिया कपमध्येच दिसणार आहे. आशिया चषकात कोहलीकडून चांगली कामगिरी अपेक्षित आहे. वेस्ट इंडिज दौऱ्यासाठी विराट कोहलीला विश्रांती देण्यात आली होती.
