TV News : मुंबई छोट्या पडद्यावरचा लोकप्रिय शो ‘कौन बनेगा करोडपती’चा सीजन 15 लवकरच प्रेक्षकांच्या भेटीला येणार आहे. गेल्या 23 वर्षांपासून अमिताभ बच्चन या क्विझ रिअॅलिटी शोच्या माध्यमातून प्रेक्षकांचे मनोरंजन करत आहेत. आता प्रेक्षकांना या शोचा नवा सीझन कधी येणार याची उत्सुकता लागली होती. या शोचे शूटिंग सुरू झाले असल्याचे सांगण्यात येत आहे. (TV News)
‘कौन बनेगा करोडपती’चा 15 वा सीजन सोनी टीव्हीवर लवकरच;
‘कौन बनेगा करोडपती’ चा पहिला एपिसोड एका नव्या स्टाईलमध्ये पुढील महिन्यात सोनी टीव्हीवर प्रदर्शित होणार असल्याचे म्हटले जात आहे. यंदा केबीसीमध्ये सर्व काही बदलेल असे संकेत महानायक बिग बी अमिताभ बच्चन यांनी आधीच प्रेक्षकांना दिले आहेत. त्यामुळे या शोच्या नव्या सीजनसाठी प्रेक्षक आतुर झाले आहेत. (TV News)
23 वर्षांपूर्वी म्हणजेच 2000 च्या दरम्यान, ‘कौन बनेगा करोडपती’चा पहिला सीजन स्टार प्लसवर प्रसारित झाला होता. बड्या पडद्यावर राज्य करणाऱ्या अमिताभ बच्चन यांनी केबीसीच्या माध्यमातून शोमध्ये पदार्पण केले. या शोला तेव्हा देखील भरपूर लोकप्रियता मिळाली होती. आताही या शोची लोकप्रियता कायम आहे. त्यामुळे 15 वा सीजन आता प्रेक्षकांच्या भेटीला येत आहे. (TV News)
