TV News : मुंबई : टेलिव्हिजनची सर्वात लोकप्रिय मालिका ‘तारक मेहता का उल्टा चष्मा’ यामध्ये दयाबेनची घरवापसी होणार असल्याची चर्चा इंटरनेटवर रंगली आहे. मालिकेच्या नवीन एपिसोडचा एक व्हिडिओ सोशल मीडियावर व्हायरल झाला आहे. ‘तारक मेहता का उल्टा चष्मा’च्या निर्मात्यांनी दयाबेन लवकरच अहमदाबादहून मुंबईला परतणार आहे, असे संकेत दिले आहेत. (TV News)
दिशा वाकाणीच्या पुनरागमनाच्याही आशा निर्माण झाल्यामुळे चाहत्यांमध्ये आनंद….
नवीन एपिसोडमध्ये जेठालाल आणि दयाचा भाऊ सुंदरलाल यांच्यामधील संभाषणाचा व्हिडिओ सोशल मीडियावर व्हायरल झाला आहे. ज्यात सुंदरलालने दयाबेनच्या आगमनाचे संकेत दिले. जेठालाल आणि सुंदरलाल यांनी दयाबेन नवरात्री किंवा दिवाळीला मुंबईला परत येणार असं उघड केलं आहे. ‘तारक मेहता का उल्टा चष्मा’च्या लेटेस्ट ट्रॅकमध्ये जेठालाल, सुंदरलाल गोकुळधाममध्ये बोलण्यासाठी सोसायटीमधील सगळ्यांसोबत प्लानिंग करताना दिसत आहे. (TV News)
जेठालाल सुंदरलाल समोर असं चित्र उभं करतो की, जेठालाल दया बेनच्या अनुपस्थितीत दुसऱ्या लग्नाच्या तयारीत आहे. पण सुंदरलाल हुशार असतो. त्याला जेठालाल असं का करतोय हे लक्षात आलं आहे. तोही जेठालालची मजा घ्यायला सुरु करतो. त्यानंतर सुंदरलालने दयाबेन नवरात्री किंवा दिवाळीपर्यंत अहमदाबादहून मुंबईला येणार आहे. दयाबेनच्या पुनरागमनासोबतच ही व्यक्तिरेखा साकारणाऱ्या दिशा वाकाणीच्या पुनरागमनाच्याही आशा निर्माण झाल्यामुळे चाहत्यांमध्ये आनंद आहे. (TV News)
