पुणे प्राईम न्यूज डेस्क: जिओ स्टुडिओज आणि सुबोध भावे यांचा भव्यदिव्य चित्रपट ‘संगीत मानापमान’ १० जानेवारीला चित्रपटगृहात प्रदर्शित होणार आहे. रूपेरी पडद्यावर पहिल्यांदाच एक अद्वितीय अनुभूती देणारा संगीतमय सिनेमा असणार आहे. त्यामुळे या चित्रपटातील संगीताच्या मेजवानीची एक छोटीशी झलक आपल्याला टिझरमध्ये बघायला मिळेल.
अभिनेते सुबोध भावे, सुमित राघवन आणि वैदेही परशुरामी हे त्यांच्या मराठमोळ्या विलोभनीय अंदाजात मोठ्या पडद्यावार प्रेक्षकांची मनं जिंकण्यास सज्ज झाली आहे. या चित्रपटात उपेंद्र लिमये आणि आणखी प्रसिद्ध कलाकार दिसणार आहेत. त्यामुळे नक्कीच चाहत्यांसाठी एक पर्वणी ठरणार आहे.
दिवाळीच्या शुभदिनी निर्मात्यांनी चित्रपटाचा टिझर सोशल मीडियावर पोस्ट केला आणि विशेष म्हणजे हा टिझर प्रेक्षकांना रोहित शेट्टीच्या ‘सिंघम अगेन’ सोबत सिनेमागृहात मोठ्या पडद्यावर पाहायला मिळत आहे. ‘संगीत मानापमान’ या चित्रपटाच्या टिझरची सुरुवातच मधुर संगीताने होते. प्रसिद्ध संगीतकार शंकर-एहसान-लॉय यांचं संगीत या सिनेमाला लाभलं आहे. या चित्रपटात एकूण १४ गाणी आहेत, तर ह्या गाण्यांना १६ दिग्गज गायकांनी आपला आवाज दिला आहे. त्यांतले ७ गायक हे नॅशनल अवॉर्ड विनर गायक आहेत.
