बंगळुरु : साऊथ सुपरस्टार ”ज्युनिअर एनटीआर” यांच्यावर दुःखाचा डोंगर कोसळला आहे. एनटीआरचे चुलत भाऊ व टॉलिवूडचे अभिनेते नंदमुरी तारक रत्न (वय-३९) यांचे शनिवारी (ता.१८) निधन झाले आहे.तारक रत्न हे तेलगू देसम पक्षाचे नेते होते.
तारक रत्न हे गेल्या महिन्यात आंध्र प्रदेशच्या चित्तूर जिल्ह्यात तेलगू देसम पक्षाच्या पदयात्रेत सहभागी झाले होते. कुप्पम येथील पदयात्रेदरम्यान तारक रत्न यांना ह्रदयविकाराचा झटका आल्याने ते रस्त्यावर कोसळले होते. लगेचच त्यांना रुग्णालयामध्ये दाखल करण्यात आले होते.
दरम्यान, मागील काही दिवसांपासून बंगळुरुमधील एका खासगी रुग्णालयामध्ये त्यांच्यावर उपचार सुरु होते. उपचारादरम्यान त्यांची शनिवार (ता.१८ फेब्रुवारी) प्राणज्योत मालवली. त्यांच्या निधनाने टॉलिवूड चित्रपटसृष्टीवर शोककळा पसरली आहे.
