पुणे प्राईम न्यूज: रोहित शेट्टीचा बहुप्रतिक्षित चित्रपट ‘इंडियन पोलिस फोर्स’ची रिलीज डेट समोर आली आहे. शिल्पा शेट्टीने तिचे धमाकेदार पोस्टर तिच्या सोशल मीडिया अकाउंटवर शेअर केले आहे. हे शेअर करताना अभिनेत्रीने कॅप्शनमध्ये लिहिले की, ‘जेव्हा सायरन वाजतो तेव्हा समजून घ्या की, क्राईमचा बँड वाजणार आहे… पोलिस आले आहेत..’
रोहित शेट्टीचा ‘इंडियन पोलिस फोर्स’ या दिवशी रिलीज होणार
रोहित शेट्टीचा हा सिनेमा पुढील वर्षी 19 जानेवारीला अॅमेझॉन प्राइम व्हिडिओवर रिलीज होणार आहे. पोस्टरमध्ये शिल्पा शेट्टी आणि सिद्धार्थ मल्होत्रासोबत विवेक ओबेरॉयही दिसत आहे. शिल्पा व्यतिरिक्त स्टार कास्ट आणि हे पोस्टर रोहित शेट्टीने देखील त्यांच्या सोशल मीडिया अकाउंटवर शेअर केले आहे.
पोस्टरमध्ये तिघांचाही डॅशिंग स्टाईल पाहायला मिळत आहे. शिल्पा, विवेक आणि सिद्धार्थ पोलिसांच्या लूकमध्ये बंदुका हातात घेतलेले दिसत आहेत. दरम्यान, चाहते रोहित शेट्टीच्या या हाय ऑक्टेन अॅक्शन एंटरटेनरची आतुरतेने वाट पाहत आहेत.
याशिवाय रोहित शेट्टी त्याच्या आणखी एका बहुप्रतिक्षित चित्रपट सिंघम अगेनसाठी चर्चेत आहे. अलीकडेच दीपिका पदुकोण आणि टायगर श्रॉफ यांनी या चित्रपटातील त्यांचा पहिला लूक शेअर केला होता, ज्याची बरीच चर्चा झाली होती. रोहित शेट्टीच्या कॉप युनिव्हर्सचा हा 5 वा चित्रपट आहे. याआधी सिंघम, सिंघम रिटर्न्स, सिम्बा आणि सूर्यवंशी आले होते. पुढील वर्षी हा चित्रपट प्रदर्शित होणार आहे. चाहते या चित्रपटाची आतुरतेने वाट पाहत आहेत.
हेही वाचा:
मोठी बातमी! विनायक मेटे यांच्या पुतण्याची आत्महत्या, कारण अद्याप अस्पष्ट
Daily Horoscope: धनु, मकर राशीच्या लोकांना बाळगावी लागणार आर्थिक सावधगिरी
