Siddharth Chandekar: मुंबई : अभिनेत्री सई ताम्हणकर आणि अभिनेता सिद्धार्थ चांदेकरचा श्रीदेवी प्रसन्न चित्रपट लवकरच प्रेक्षकांच्या भेटीला येणार आहे. आता या चित्रपटातील किसिंग सीनबाबत नुकत्याच एका मुलाखतीमध्ये सिद्धार्थनं सांगितलं आहे. या चित्रपटाचा ट्रेलर आणि टीझर काही दिवसांपूर्वी प्रेक्षकांच्या भेटीला आला.
“चित्रपटात आमचा खूप रोमँटिक किसिंग सीन आहे. त्या सीननंतर मी आणि सई एकमेकांसोबत बोलत नव्हतो. किसिंग सीनच्या आधी पण आम्ही एकमेकांसोबत बोलत नव्हतो. नंतरही आम्ही नव्हतो बोलत. दुसऱ्या दिवशी सकाळी आम्ही कॉफीला भेटलो. तेव्हा चर्चा केली आणि त्यावर न बोलण्याचं ठरवलं. कारण हे सगळं खूप अवघड होतं.” असे सिद्धार्थ चांदेकर म्हणाला.
‘श्रीदेवी प्रसन्न’ हा सिनेमा 2 फेब्रुवारी 2024 रोजी प्रेक्षकांच्या भेटीला येणार आहे. या चित्रपटातील ‘दिल में बजी गिटार’हे गाणं 19 जानेवारीला रिलीज होत आहे. या चित्रपटात सई आणि सिद्धार्थ यांच्यासोबतच सुलभा आर्या, सिद्धार्थ बोडके, रसिका सुनील, संजय मोने, वंदना सरदेसाई, समीर खांडेकर, आकांक्षा गाडे, रमाकांत डायमा, शुभांगी गोखले, पाहुल पेठे, पल्लवी परांजपे, पूजा वानखेडे, सिद्धार्थ महाशब्दे, जियांश पराडे या कलाकारांनी देखील महत्वाची भूमिका साकारली आहे.
