अजय देवगनचा ‘शैतान’ हा नवा सिनेमा लवकरच प्रेक्षकांच्या भेटीला येणार आहे. नुकताच या सिनेमाचा अंगावर शहारे आणणारा धमाकेदार टीझर आऊट झाला आहे.
‘शैतान’च्या टीझरमध्ये काय आहे?
1 मिनिट 29 सेकंदाचा टीझर अंगावर शहारे आणणारा आहे. ‘शैतान’च्या टीझरची सुरुवातच आर. माधवनच्या आवाजाने होते. यात राक्षस म्हणतो,”कहते है ये पुरी दुनिया बहरी है, लेकिन सुनती सिर्फ मेरी है, काले से भी काला मैं, बहकाने का प्याला मै, तंत्रसे लेकर श्लोक का मालिक हूँ मैं नौ लोक का”. टीझर प्रेक्षकांच्या पसंतीस उतरला असून प्रेक्षकांना आता सिनेमाची प्रतीक्षा आहे. सोशल मीडियावर हा टीझर धुमाकूळ घालत आहे. आर. माधवनच्या आवाजात राक्षसचे डायलॉग असल्याने तो निगेटीव्ह रोलमध्ये असल्याचा अंदाज आहे.
अजय देवगनकडून ‘शैतान’चा टीझर शेअर
अभिनेता अजय देवगनने ‘शैतान’ सिनेमाचा टीझर सोशल मीडियावर शेअर केला आहे. टीझर शेअर करत त्याने लिहिलं आहे,”वो पूछेगा तुमसे.. एक खेल खेलोगे? पर उसके बहकावे में मत आना”. अजयच्या या टीझरवर कमेंट्स करत नेटकरी सिनेमासाठी उत्सुक असल्याचं सांगत आहेत.
‘शैतान’ या सिनेमात अजय देवगन, आर. माधवन आणि ज्योतिका मुख्य भूमिकेत आहेत. तसेच ज्योती देशपांडे, कुमार मंगत पाठक आणि अभिषेक पाठक या सिनेमात महत्त्वाच्या भूमिकेत आहेत. सस्पेन्स, थ्रिलर आणि नाट्य या सिनेमात प्रेक्षकांना पाहायला मिळणार आहे. शैतान’सह अजयचे ‘औरों में कहां दम था’,’मैदान’,’सिंघम अगेन’,’रेड 2′ हे सिनेमे प्रेक्षकांच्या भेटीसाठी सज्ज आहेत.
