मुंबई : शाहरुख खानच्या पठान चित्रपटाने ५०० कोटींचा गल्ला जमवून सर्व बॉलिवूड चित्रपटांचे रेकॉर्ड तोडले आहेत. ५०० कोटी रुपयांच्या क्लबमध्ये सामील होणारा हा पहिला बॉलिवूड चित्रपट आहे. यातच आता, पठानची टक्कर बाहुबली २ सोबत आहे. ज्याचे कलेक्शन ५११ कोटी रुपये एवढे आहे.
या चित्रपटात शाहरुख सोबतच दीपिका पादुकोण आणि जॉन अब्राहम यांचीही मुख्य भूमिका आहे. हा चित्रपट कलेक्शनच्या बाबतीत नव नवे विक्रम करताना दिसत आहे. २५ जानेवारीला रिलीज झालेल्या पठानने केवळ २१ दिवसांत ४९८.८५ कोटी रुपयांचा गल्ला जमवला. तर २२ व्या दिवशी ५०० कोटींच्या क्लब मध्ये सामील झाला.
शाहरुख खान आता ‘डंकी’ आणि ‘जवान’ मध्येही चित्रपटात दिसणार आहे. राजकुमार हिरानीचा चित्रपट डंकीमध्ये शाहरुख खानची जोडी तापसी पन्नू सोबत असेल. हा चित्रपट २२ डिसेंबर 2023 ला चित्रपटगृहांत प्रदर्शित होईल.
दरम्यान, या दोन्ही चित्रपटांशिवाय, शाहरुख, दग्दर्शक अॅटलीसोबतही जवान या चित्रपटात दिसेल. जवान चित्रपट २ जून २०२३ रोजी हिंदीबरोबरच तमिळ, तेलुगू, मल्याळम आणि कन्नड भाषेत प्रदर्शित होणार आहे.
