मुंबई : सहसा चित्रपट शुक्रवारी प्रदर्शित होत असतो. एखाद्या मोठ्या अभिनेत्याचा चित्रपट असेल तर अनेकवेळा चित्रपट शुक्रवारपूर्वी प्रदर्शित होतो. त्यात सलमान खानच्या ‘टायगर 3’ चित्रपटाबाबत एक मोठी अपडेट समोर आली आहे. ‘भाईजान’चा हा चित्रपट शुक्रवारी किंवा बुधवारी प्रदर्शित होणार नाही. त्यापेक्षा हा चित्रपट आठवड्याच्या एका वेगळ्या दिवशी प्रदर्शित होणार आहे.
मनोरंजन विश्वातील वृत्त देणाऱ्या एका संस्थेनुसार, टायगर 3 ची टीम चित्रपटाच्या रिलीजसाठी विशेष तयारी करत आहे. त्यानुसार, हा सिनेमा सोमवारी 13 नोव्हेंबरला हा चित्रपट प्रदर्शित केला जाणार आहे. अशाप्रकारे यशराज फिल्म्स सलमान खानसोबत हिंदी सिनेमाच्या पहिल्या दिवसाच्या विक्रमी कमाईची तयारी करत आहे. ‘टायगर 3’ हा सलमान खान आणि कतरिना कैफ यांच्या बहुप्रतिक्षित चित्रपटांपैकी एक आहे, ज्याबद्दल भाईजान आणि निर्मात्यांना खूप अपेक्षा आहेत.
‘टायगर 3’शी संबंधित एक खास व्हिडिओ 27 सप्टेंबर रोजी रिलीज होणार आहे. एका ट्रेड सोर्सने खुलासा केला की, हा व्हिडिओ ‘टायगर 3’ च्या ट्रेलरचा झलक असा असणार आहे. यामध्ये एजंट टायगरच्या भूमिकेत सलमान खान एक महत्त्वाचा संदेश देणार आहे. सलमान हा वायआरएफ स्पाय युनिव्हर्सचा ओजी आहे. या सिनेमात त्याने अतिशय महत्त्वाची भूमिका बजावली आहे. लवकरच हा सिनेमा थिएटर्समध्ये पाहायला मिळणार आहे.
