जनार्दन दांडगे
पुणे : गौतमी पाटील ही सोशल मीडियावर प्रसिद्ध चेहरा आहे. २६ वर्षीय गौतमीने डान्स आणि एक्स्प्रेशन्सने तरुणांना वेड लावले आहे. गौतमी ही डान्सर असून लावणी नृत्यांगना म्हणून तिला ओळखले जाते. यूट्यूब, इन्स्टाग्राम, फेसबुक यांसारख्या सोशल प्लॅटफॉर्मवर तिचे व्हिडिओ तुफान व्हायरल होत असतात. इतकच काय तर आता ती रुपेरी पडद्यावर झळकणार आहे. आणि तिच्या चित्रपटाचे परदेशातही चित्रीकरण झाले आहे.
गौतमी पाटीलचा डान्सचा व्हिडीओ पाहण्यासाठी येथे क्लिक करा :
गौतमी पाटीलच्या आगामी चित्रपटाचे नाव ‘घुंगरु’ आहे. गौतमीच्या ‘घुंगरु’ या सिनेमाचं शूटिंग सोलापूर, माढा, हंपीसह परदेशात झाले आहे. या सिनेमात गौतमी पाटील नक्की कोणती भूमिका साकारणार हे अद्याप समोर आलेले नाही. या सिनेमाची घोषणा झाल्यापासून चाहत्यांना या सिनेमाची उत्सुकता लागली आहे. सूत्रांनी दिलेल्या माहितीनुसार, ‘घुंगरु’ या सिनेमात गौतमी बाबा गायकवाडसोबत स्क्रीन शेअर करताना दिसणार आहे.
गौतमी आणि बाबा गायकवाड यांच्यासह ‘घुंगरु’ या सिनेमात सुदाम केंद्रे, उषा चव्हाण, वैभव गोरे, शीतल गीते हे कलाकारदेखील झळकणार असल्याची शक्यता वर्तवली जात आहे. हा सिनेमाचं कथानक कलावंत आणि लोककलावंतांच्या आयुष्यावर भाष्य करणारा असू शकतो ‘घुंगरु’ या सिनेमाच्या लेखन-दिग्दर्शनाची धुरा बाबा गायकवाड यांनी सांभाळली आहे.
दरम्यान, एका व्हायरल व्हिडीओमुळे गौतमी पाटील रातोरात प्रसिद्धीच्या झोतात आली होती. पण गेल्या काही दिवसांपासून ती वादाच्या भोवऱ्यात अडकली आहे. सोशल मीडियावर तिला प्रचंड ट्रोलिंगचा सामना करावा लागत असला तरी तिचा खूप मोठा चाहतावर्ग आहे.
