पुणे : बॉलिवूड अभिनेता अजय देवगणच्या सिंघम अगेन चित्रपटाची चाहते आतुरतेने वाट पाहत आहेत. यंदाच्या दिवाळीच्या मुहूर्तावर हा चित्रपट प्रेक्षकांच्या भेटीला येणार आहे. दरम्यान दिग्दर्शक रोहित शेट्टीने या चित्रपटाच्या ट्रेलरची रिलीज डेड जाहीर केली आहे. अजय देवगणच्या चाहत्यांची प्रतीक्षा आता संपली असून ‘सिंघम अगेन’ चित्रपटाचा ट्रेलर हा 7 ऑक्टोबरला रिलीज करण्यात येणार आहे.
रोहित शेट्टीने त्याच्या इंस्टाग्राम हॅंडलवर एक खास प्रोमो शेअऱ करत लिहिले आहे की, ‘सिंघम अगेन’ चा ट्रेलर उद्या म्हणजेच दि. 07 ऑक्टोबर रोजी रिलीज होणार आहे. रोहित शेट्टीने शेअर केलेल्या व्हिडीओमध्ये चित्रपटांची काही झलक दाखवण्यात आली आहे. ज्यामध्ये ‘सिंघम’, ‘सिंघम रिटर्न्स’ ‘सिम्बा’ आणि ‘सूर्यवंशी’ या चित्रपटाचा समावेश आहे.
अजय देवगण व्यतिरिक्त सिंघम अगेनमध्ये अनेक मोठ्या स्टार्सची झलक पाहायला मिळत आहे. अक्षय कुमार, रणवीर सिंग, दीपिका पादुकोणम, करीना कपूर आणि टायगर श्रॉफ देखील या चित्रपटाचा भाग आहेत. या चित्रपटामध्ये अर्जुन कपूर आणि जॅकी श्रॉफ खलनायकाच्या भुमिकेत दिसणार आहेत. या चित्रपटाचे बजेट 250 कोटी रुपये असल्याचे सांगितले जात आहे.
दरम्यान, सिंघन अगेन चित्रपटाप्रमाणेच लोक ट्रेलरचीही आतुरतेने वाट पाहत आहेत. अशात काही जणांनी फेक ट्रेलर बनवत ते सोशल मीडियावर व्हायरल केले आहेत. यामुळे सिंघम अगेनच्या ट्रेलरची सोशल मीडियावर चर्चा रंगली आहे.
View this post on Instagram
