अयोध्येस पोहोचला अभिनेता रितेश देशमुख! सहकुटुंबासोबत घेतले रामलल्लाचे दर्शन

Riteish Deshmukh Visit Ayodhya : अभिनेता रितेश देशमुख (Riteish Deshmukh) आणि त्याच्या सहकुंटुंबाने अयोध्येतील रामलल्लाचं (Ayodhya Ram Mandir) दर्शन घेतलं आहे. रितेशने त्याच्या सोशल मीडियाच्या अकाऊंटवरुन हे फोटो शेअर केलेत. यावेळी रितेश देशमुखसोबत पत्नी जेनेलिया (Genelia) आणि त्याची दोन मुले रिआन आणि राहिल हे देखील सोबत होते.

 

View this post on Instagram

 

A post shared by Riteish Deshmukh (@riteishd)

यावेळी रितेश देशमुखने इन्स्टाग्रामवर अयोध्यातील राम मंदिर दर्शनाच्या फोटोसोबत कॅप्शनही शेअर केले आहे. त्यात रितेशने लिहिले- मंत्रांपेक्षा तुझे नाव श्रेष्ठ- जय श्री राम!!! रामललालांचे दर्शन घेऊन धन्य झालो. पिवळ्या कुर्त्यातील रितेश आणि पांढऱ्या सूटमधील जेनेलियाचे फोटो सोशल मीडियावर व्हायरल होत आहेत. रितेश देशमुख 19 एप्रिल रोजी लखनऊला क्रिकेट सामना पाहण्यासाठी गेला होता, त्यादरम्यान रितेश कुटुंबासह अयोध्येला पोहोचला आणि रामललाचे दर्शन घेतले.

रितेश आणि जेनेलिया नेहमी त्यांच्या मुलांसोबतचे फोटो त्यांच्या सोशल मीडियावरुन शेअर करत असतात. सोशल मीडियावरील प्रत्येक फोटोला प्रेक्षकांची देखील तितकीच पसंती मिळते.