मुंबई: महाराष्ट्र सायबर सेलने समय रैना आणि रणवीर अलाहाबादिया हे अश्लीलता पसरवल्याप्रकरणी दोषी आढळून आल्याचा निष्कर्ष काढला आहे. ‘इंडियाज गॉट लेटेंट’ या लोकप्रिय यूट्यूब शोच्या होस्ट्स, समय रैना आणि रणवीर अलाबादिया यांच्याविरुद्ध लवकरच आरोपपत्र दाखल करण्यात येणार असल्याचेही महाराष्ट्र सायबर सेलने सांगितले आहे. अधिकाऱ्यांनी समय रैना, रणवीर अलाबादिया, आशिष चंचलानी आणि जसप्रीत सिंग यांच्यासह होस्ट्सची चौकशी केली होती.
वृत्तानुसार, सायबर सेल लवकरच आरोपपत्र दाखल केल्यानंतर या घटनेमुळे युट्यूबर समुदायात खळबळ उडाली होती, अनेकजण या प्रकरणाच्या निकालाची वाट पाहत होते. होस्ट्सवर अश्लीलता पसरवल्याबद्दल हा निर्णय घेण्यात आला आहे. या प्रकरणावर बारकाईने लक्ष ठेवले जात आहे आणि निकालाचा भारतातील कंटेंट क्रिएटर्स आणि युट्यूबर्सवर परिणाम होण्याची शक्यता आहे.
