Passed News पुणे : तमाशा सृष्टीतील ज्येष्ठ कलावंत सुप्रसिद्ध नृत्यांगना, गायिका, सिनेअभिनेत्री सुलोचना नलावडे यांचे आज वयाच्या 79 व्या वर्षी अल्पशा आजाराने निधन झाले. त्या धोलवड गावच्या रहिवाशी होत्या. (Passed News)
मराठी चित्रपट क्षेत्रातील अभिनेते दादा कोंडके, दादू इंदुरीकर व मधू कांबीकर या दिग्गज कलाकारांसोबत त्यांनी काम केले होते. या दिग्गजांसोबत काम करून त्यांनी संपूर्ण मराठी चित्रपटासाठी आपली सेवा रुजू केली. त्यांना महाराष्ट्र शासनाचा प्रतिष्ठेचा विठाबाई नारायणगावकर हा तमाशा क्षेत्रातील पुरस्कार देऊन सन्मानित करण्यात आले होते.
सुलोचना नलावडे यांच्या निधनाने जुन्नर तालुक्यातील संपूर्ण तमाशा कलावंतांसह राजकीय, विविध सांस्कृतिक, धार्मिक, सामाजिक व सेवाभावी संस्थांच्या वतीने भावपूर्ण श्रध्दांजली वाहण्यात आली.
