पुणे : सचिन पिळगावकर दिग्दर्शित ‘नवरा माझा नवसाचा’ या चित्रपटाचा एक चाहतावर्ग आहे. या चित्रपटात सचिन पिळगांवकर, सुप्रिया पिळगांवकर, अशोक सराफ यांनी मुख्य भूमिका साकारली आहे. या गाजलेल्या चित्रपटानंतर तब्बल 19 वर्षानंतर या चित्रपटाचा सिक्वल म्हणजेच ‘नवरा माझा नवसाचा 2’ हा चित्रपट येत्या 20 सप्टेंबरपासून संपूर्ण महाराष्ट्रात प्रदर्शित होणार आहे.
View this post on Instagram
नवरा माझा नवसाचा 2 मध्ये अशोक सराफ, सिद्धार्थ जाधव, सचिन पिळगांवकर, स्वप्नील जोशी, हेमल इंगळे, सुप्रिया पिळगांवकर ही मंडळी दिसणार आहे. विशेष म्हणजे यंदाचा हा प्रवास कोकण रेल्वेने होणार आहे. त्यामुळे येत्या 20 सप्टेंबरपासून ही सिनेमा प्रेक्षकांच्या भेटीला येणार आहे. ‘नवरा माझा नवसाचा’ चित्रपटात अशोक सराफ बस कंडक्टरच्या भूमिकेत दिसले होते, आता मात्र चित्रपटाच्या दुसऱ्या भागात ते टीसीच्या भूमिकेत दिसत आहेत.
चित्रपट प्रदर्शित होण्याची तारीख जाहीर करताना मुंबईच्या सिद्धिविनायकाचे दर्शन घेऊन ‘नवरा माझा नवसाचा 2’ ही नॉनस्टॉप कॉमेडी निघाली आहे गणपतीपुळ्याला. पण या वेळेला एसटी ने नाही तर कोकण रल्वेने. तुम्ही येताय ना हा प्रवास बघायला ? 20 सप्टेंबर पासून संपूर्ण महाराष्ट्रात तुमच्या जवळच्या चित्रपटगृहात ’नवरा माझा नवसाचा 2’प्रदर्शित होणार असल्याचे म्हटले आहे.
