Mumbai News : मुंबई : बॉलिवूड अभिनेता पंकज त्रिपाठी हा त्याच्या आगामी ‘मैं अटल हूं’ या पॉलिटिकल चित्रपटामुळे चर्चेत आला आहे. या चित्रपटात पंकज हा माजी पंतप्रधान दिवंगत अटलबिहारी वाजपेयी यांची भूमिका साकारत आहे. या चित्रपटावर बऱ्याच दिवसांपासून काम सुरू होते. नुकतेच या चित्रपटाचे शूटिंग पूर्ण झाले आहे. या चित्रपटाची शूटिंग पूर्ण झाल्याची माहिती ही पंकज त्रिपाठी आणि चित्रपट निर्मात्यांनी दिली.
25 डिसेंबर रोजी चित्रपटगृहात झळकणार
तसेच या चित्रपटामधील व्हिडिओदेखील सोशल मीडियावर शेअर करण्यात आला आहे. या व्हिडिओमध्ये पंकज अटल बिहारी वाजपेयींच्या भूमिकेत शूटिंग करताना दिसत आहे. (Mumbai News) या लूकमध्ये तो फार वेगळा दिसत आहे. या लूकमध्ये त्याला ओळखणे फार कठीण आहे. पंकजने शूटिंग पूर्ण झाल्याची माहिती देताना लिहिले, ‘हा ‘अटल’ प्रवास सदैव संस्मरणीय राहील. अटलबिहारी वाजपेयी यांच्यासारख्या महान व्यक्तिमत्वाच्या व्यक्ती पैलू मोठ्या पडद्यावर साकारण्यासाठी मी स्वतःला भाग्यवान समजतो’.
‘मैं अटल हूं’ या चित्रपटाचे दिग्दर्शन रवी जाधव यांनी केले असून, चित्रपटाचे लेखन ऋषी विरमानी यांनी केले आहे. या चित्रपटाच्या लखनऊ शूटदरम्यान, चित्रपट निर्मात्यांनी उत्तर प्रदेशचे मुख्यमंत्री योगी आदित्यनाथ यांची भेट घेतली आणि चित्रपटाबाबत खूप चर्चा केली. (Mumbai News) 15 जुलै रोजी या चित्रपटाची शूटिंग पूर्ण झाले असून, या चित्रपटात अटलबिहारी वाजपेयीबाबत अनेक गोष्टी रूपेरी पडद्यावर आपल्याला पाहायला मिळणार आहे. हा चित्रपट 45 दिवसांत पूर्ण झाला आहे. आता हा चित्रपट 25 डिसेंबर, 2023 ला रिलीज होईल, असे सांगण्यात येत आहे.
या चित्रपटाचे शूटिंग मुंबई, दिल्ली, कानपूर आणि लखनऊ याठिकाणी झाली आहे. (Mumbai News) या चित्रपटात माजी पंतप्रधान दिवंगत अटलबिहारी वाजपेयी यांचे बालपण आणि राजकीय प्रवासबद्दल दाखविले जाणार आहे. हा चित्रपट भानुशाली स्टुडिओ लिमिटेड आणि लिजेंड स्टुडिओज प्रोडक्शन अंतर्गत तयार करण्यात आला आहे.
अधिक बातम्या वाचण्यासाठी येथे क्लिक करा :
Mumbai News : मोठी बातमी! राज्यभरात दहावीची आजची पुरवणी परीक्षा रद्द; नवीन तारीख जाहीर!
