मुंबई : ज्येष्ठ अभिनेत्री नीना गुप्ता आजी झाल्या आहेत. त्यांची लेक फॅशन डिझायनर व प्रसिद्ध अभिनेत्री मसाबा गुप्ता हिच्या घरी चिमुकल्या परिचे आगमन झाले आहे.
दसऱ्याच्या दिवशी, म्हणजेच 12 ऑक्टोबर रोजी मसाबाने मुलगी झाल्याची माहिती सोशल मीडियावर दिली आहे. सोशल मीडियावर डिझाइनर मसाबा गुप्ता आणि तिचा पती सत्यदीप मिश्रा यांनी एक पोस्ट शेअर केली आहे. यामध्ये लिहिले आहे की, “11.10.24”. त्याचबरोबर दोन फोटो शेअर केले आहेत. यामध्ये पहिल्या फोटोमध्ये लिहिले आहे की, “आमची खूप खास छोटी मुलगी खूप खास दिवशी आली” त्यानंतर दुसऱ्या फोटोमध्ये त्यांनी त्याच्या मुलीच्या पायाचा फोटो शेअर केला आहे.
दरम्यान, मसाबा व सत्यदीप या दोघांनी जानेवारी 2023 मध्ये लग्नगाठ बांधली होती. त्यानंतर 18 एप्रिल 2024 रोजी त्यांनी इन्स्टाग्राम अकाउंटवर पोस्ट शेअर करत आई-बाबा होणार असल्याची आनंदाची बातमी दिली होती.
View this post on Instagram
