Marathi Entertenment : मुंबई : गृहिणींना छोट्या पडद्यावरील मालिका या जिव्हाळ्याचा विषय असतो. मात्र, आता त्यात पुरूषही मागे राहिले नाहीत. मालिकेतील अनेक पात्र, कथानक प्रेक्षकांना आपल्या घरातील वाटू लागतात. त्यामुळे मालिका आणि प्रेक्षकांचं एक वेगळं नातं तयार होत असतं. प्रेक्षक न चुकता मालिका दररोज पाहत असतात. म्हणून मालिकेचे निर्माते आणि लेखक नवनवीन ट्वीस्टच्या माध्यमातून प्रेक्षकांना खिळवून ठेवण्यासाठी प्रयत्न करत असतात. मागील आठवड्याचा टेलीव्हिजन टीआरपी समोर आला आहे. ज्यामध्ये ठरलं तर मग मालिकेचा पहिला नंबर आहे.
विषेश म्हणजे ‘लक्ष्मीच्या पाऊलांनी’ या नव्या मालिकेने जुन्या मालिकेना मागे टाकलं आहे. मालिकेने चांगली बाजी मारत दुसरे स्थान गाठले आहे. अवघ्या काही दिवसांत या मालिकेने प्रेक्षकांच्या मनात वेगळं स्थान निर्माण केलं आहे. त्यामुळे टीआरपीच्या यादीत ‘लक्ष्मीच्या पाऊलांनी’ मालिका जुन्या मालिकेवर वरचढ झालेली पाहायला मिळत आहे.‘लक्ष्मीच्या पाऊलांनी’ मालिकेत अभिनेत्री ईशा केसकर आणि अभिनेता अक्षर कोठारी यांची प्रमुख भूमिका आहे. २० नोव्हेंबरला मालिका प्रेक्षकांच्या भेटीस आली आहे. या मालिकेत ईशाने मुर्तीकाराची भूमिका साकारली आहे. तर अक्षय बिझनेस मॅनच्या भूमिकेत झळकला आहे.
मागील आठवड्याच्या टेलीव्हिजन टॉप १० मालिका
१) ठरलं तर मग
२) लक्ष्मीच्या पाऊलांनी
३) तुझेच मी गीत गात आहे
४) प्रेमाची गोष्ट
५) आई कुठे काय करते
६) सुख म्हणजे नक्की काय असतं
७) कुन्या राजाची गं तू राणी
८) आता होऊ दे धिंगाणा २
९) ठिपक्यांची रांगोळी
१०) मुरांबा
‘मराठी टेल बझ’ या इन्स्टाग्राम पेजवर मराठी मालिकांची टीआरपी यादी शेअर केली जाते. नुकतीच मागील आठवड्याची टेलीव्हिजन टीआरपी यादी शेअर करण्यात आली आहे. हीच यादी ईशा आणि अक्षयने इन्स्टाग्राम स्टोरीवर हीच टेलीव्हिजन टीआरपीची यादी शेअर केली आहे. या यादीमध्ये पहिल्या स्थानावर ‘ठरलं तर मग’ मालिका असून दुसऱ्या स्थानावर ‘लक्ष्मीच्या पाऊलांनी’ मालिका आहे. यापूर्वी दुसऱ्या स्थानावर ‘तुझेच मी गीत गात आहे’ ही मालिका असायची. पण आता ‘लक्ष्मीच्या पाऊलांनी’ आलेल्या कलाने चांगलीच बाजी मारली आहे. ही टीआरपीची यादी पाहता येत्या काळात जुई गडकरीच्या ‘ठरलं तर मग’ आणि ईशा केसकरच्या ‘लक्ष्मीच्या पाऊलांनी’ या मालिकांमध्ये चुरस पाहायला मिळण्याची शक्यता आहे. तिसऱ्या स्थानावर ‘तुझेच मी गीत गात आहे’ही मालिका आहे.
