पुणे प्राईम न्यूज डेस्क: अभिनेता मकरंद अनासपुरे यांनीच दिग्दर्शित केलेल्या चित्रपटात त्यांनी नऊ रंगाच्या अन ढंगाच्या नऊ वेगवेगळ्या भूमिका साकारलेल्या आहेत. मराठीत हा प्रयोग पहिल्यांदाच होतो आहे. हा चित्रपट ८ नोव्हेंबरला प्रदर्शित होणार आहे. देशमाने डिजी व्हिजनद्वारे या चित्रपटाची निर्मिती सुरेश पठारे, मच्छिंद्र लंके, शिल्पा अनासपुरे, त्रिशला देशमाने यांनी केली आहे. चित्रपटाचे लेखक हेमंत एदलाबादकर, तर छाया दिग्दर्शन सुरेश देशमाने यांचे आहे.
हर्षदा पोरे कल्लुरकर यांच्या गीतांना अतुल दिवे यांनी संगीतबद्ध केले आहे. वैशाली सामंत यांच्या आवाजातील गाणी आहेत. गौतमी पाटील हिची ठसकेबाज लावणी आकर्षण असणार आहे. या चित्रपटात भरत सावले, प्रकाश भागवत, नितीन कुलकर्णी, राजू सोनावणे, अमर सोनावणे, स्वाती देशमुख, रुचिरा जाधव यांच्याही लक्षणीय भूमिका आहेत.
