पुणे : महाराष्ट्र विधानसभा निवडणुकीसाठी आज (दि. 20) मतदान पार पडत आहे. संपूर्ण राज्यभरात मतदानाचा मोठा उत्साह पाहायला मिळत आहे. मराठीसह हिंदी सिनेसृष्टीतील कलाकार आपल्या मतदानाचा हक्क बजावताना दिसत आहेत. त्याचे फोटो, व्हिडीओ व्हायरल झाले आहेत. सर्व कलाकार मतदान केल्यानंतर इतरांना मतदान करण्यासाठी आवाहन करत आहेत.
यावेळी प्राजक्ता माळी, अभिनेत्री सोनाली कुलकर्णी, आर्या आंबेकर, हेमंत ढोमे, रवी जाधव, सायली संजीव, मंदार चांदवडकर, तेजस्विनी पंडित, सुनील बर्वे, अभिजीत केळकर अशा अनेक मराठी कलाकारांनी मतदानाचं कर्तव्य पार पडलं आहे. यासंदर्भात मराठी कलाकारांनी सोशल मीडियावर पोस्ट शेअर केल्या आहेत.
प्राजक्ता माळीने मतदान करत चाहत्यांना कंटाळा न करता मतदान करण्याचं आवाहन केलं आहे.
View this post on Instagram
तर अभिनेत्री सोनाली कुलकर्णीने आपल्या कुटुंबासह मतदान केलं. याचे फोटो शेअर करत तिने एक चारोळी केली. “करा आज योग्य selection…Today is the day of election…समाजात हवं असेल जर perfection…तर करू नका या संधी चं rejection”, अशी चारोळी सोनालीने केली.
लोकप्रिय अभिनेता, दिग्दर्शक, लेखक हेमंत ढोमेने मतदान केल्यानंतर खास पोस्ट शेअर केली आहे. त्याने शाईचा बोट दाखवतानाचा फोटो शेअर करून लिहिलं आहे, “माझं मत…ऐक्यासाठी… विकासासाठी… भयमुक्त सुरक्षित वातावरासाठी! माझं मत शेतकऱ्यांसाठी… दुर्बल घटकांसाठी! माझं मत जातीय सलोख्यासाठी… महाराष्ट्रधर्मा साठी! शिव शाहू फुले आंबेडकरांच्या पुरोगामी महाराष्ट्रासाठी!”
View this post on Instagram
दरम्यान, बॉलीवूडच्या कलाकारांनी देखील आपला मतदानाचा हक्क बजावला आहे. अभिनेता अक्षय कुमार, फरहान अख्तर, तमन्ना भाटिया, राजकुमार राव, रितेश देशमुख, जेनेलीया देशमुख, सोनू सूद, उर्मिला मातोंडकर, कार्तिक आर्यन, स्पृहा जोशी, मुक्ता बर्वे यांनी मतदान केलं आहे. याचे व्हिडीओ सध्या सोशल मीडियावर व्हायरल झाले आहेत.
