पुणे प्राईम न्यूज: साऊथचा सुपरस्टार विजयचा लिओ चित्रपट थिएटरमध्ये धुमाकूळ घालत आहे. या चित्रपटाने बॉक्स ऑफिसवर आपली ताकद दाखवून दिली आहे. विजय स्टारर चित्रपटाने पहिल्याच दिवशी जगभरात 100 कोटींचा व्यवसाय केला आहे. ट्रेड अनॅलिस्ट मनोबाला विजयबालन यांच्या मते, लिओने पहिल्याच दिवशी जगभरात 115.90 कोटी रुपयांची कमाई केली आहे. (Leo box office collection)
लिओ बॉक्स ऑफिसवर हिट
लिओ हा तमिळ इंडस्ट्रीमधील तिसरा चित्रपट आहे, ज्याने पहिल्याच दिवशी १०० कोटींहून अधिक कमाई केली. यापूर्वी हा विक्रम रजनीकांतच्या कबाली (105.70 कोटी) आणि 2.0 (117.24 कोटी) या चित्रपटांच्या नावावर होता. विजयच्या चित्रपटाने पहिल्या दिवशी तामिळनाडूमध्ये 27.63 कोटींची कमाई केली आहे. ट्रेड एक्सपर्ट रमेश बाला यांनी ट्विट केले की, लिओने हिंदीमध्ये पहिल्या दिवशी 2.75 कोटी रुपयांचे नेट कलेक्शन केले आहे. विजयच्या चित्रपटाच्या हिंदी व्हर्जनला नॅशनल मल्टीप्लेक्स चेन्समध्ये स्थान मिळालेले नाही. या सिनेमाच्या OTT रिलीजसाठी 4 आठवड्यांचा गॅप असणार आहे. हे एकमेव कारण आहे की ज्यामुळे लिओ हिंदी मार्केटमध्ये एक मोठा रिलीज म्हणून उदयास येणार नाही.
लिओ जागतिक बाजारपेठेत पहिल्या दिवशी 100 कोटींहून अधिक कमाई करणाऱ्या क्लबमध्ये सामील झाला आहे. या क्लबमध्ये RRR, बाहुबली 2, KGF 2, साहो, पठाण, आदिपुरुष, 2.0, जवान यांचा समावेश आहे. लिओने पहिल्या दिवशी चांगली कमाई केली. पण आगाऊ बुकिंग दर्शवते की दुसऱ्या दिवशी चित्रपटाच्या कलेक्शनमध्ये घसरण दिसून येईल.
