KBC 15 : मुंबई : ‘कौन बनेगा करोडपती 15’ च्या एका शोमध्ये ‘द आर्चीज’ या सिनेमाची सगळी टीम सहभागी झाली होती. त्यावेळी या कार्यक्रमाचे होस्ट बॉलिवूडचे महानायक अमिताभ बच्चन यांनी सुहानाला शाहरुखबद्दल एक प्रश्न विचारला. पण या प्रश्नाचं उत्तर सुहानाला मात्र देता आलं नाही. त्यानंतर बिग बींनी तिची शाळा घेतली. तसेच नेटकऱ्यांनीही किंग खानच्या लेकीला ट्रोल केलं आहे.
‘कौन बनेगा करोडपती 15’ या कार्यक्रमातील एका फेरीत सुहानाला शाहरुखला आतापर्यंत कोणता पुरस्कार मिळालेला नाही? असा प्रश्न विचारला.
पर्यात होते – A)पद्मश्री, B)लीजन ऑफ ऑनर, C)एल ‘एलोइल, D)वोल्पी कप. प्रश्नाचं उत्तर हे ‘वोल्पी कप’ असं होतं. सुहानाने पद्मश्री असं उत्तर दिलं. सुहानाने आधीच बिग बींना सोपे प्रश्न विचारण्यास सांगितलं होतं. त्यानुसार बिग बिंनी सुहानाला ज्या प्रश्नाचं उत्तर देता येईल असा प्रश्न विचारला. पण त्याही प्रश्नाचं उत्तर तिला देता आलेलं नाही.
‘द आर्चीज’ 7 डिसेंबर 2023 रोजी हा सिनेमा ओटीटीवर रिलीज झाला. स्टारकिडच्या या सिनेमाची चाहत्यांना उत्सुकता होती. जोया अख्तर दिग्दर्शित या सिनेमात सुहाना खान, खुशी कपूर, अगस्त्य नंदा, वेदांग रैना, युवराज मेंदा, अदिती सहगल महत्त्वाच्या भूमिकेत आहेत. ‘द आर्चीज’ या सिनेमाच्या माध्यमातून अगस्त्य नंदाने आणि खुशी कपूरने बॉलिवूडमध्ये पदार्पण केलं आहे.
