Merry Christmas Trailer: मुंबई : साऊथ कलाकार विजय सेथुपती आणि कतरिना कैफच्या मेरी ख्रिसमस सिनेमाचा ट्रेलर भेटीला आलाय. मेरी ख्रिसमस सिनेमा हा नेमका नाताळ सणाच्या मोक्यावर आला आहे. अवघ्या काहीच दिवसांमध्ये नाताळचा सण येतोय. तेव्हाच हा सिनेमा प्रेक्षकांच्या भेटीला येणार आहे.
नाताळ अर्थात ख्रिसमसची सर्वांना उत्सुकता असते. कारण, तेव्हा सर्वांनाच एकमेकांकडून गिफ्ट, पार्टी मिळत असते. अशातच ख्रिसमसच्या पार्श्वभूमीवर आगळीवेगळी कथा असलेल्या सिनेमाचा ट्रेलर प्रेक्षकांच्या भेटीला आलाय. त्याचं नाव मेरी ‘ख्रिसमस’ आहे. विजय सेथुपती – कतरिना कैफ स्टारर ‘मेरी ख्रिसमस’ सिनेमाचा एका रात्रीची रहस्यमयी कहाणी घेऊन आलाय.
हिंदी आणि तमिळ या दोन्ही भाषांमध्ये सिनेमा प्रेक्षकांच्या भेटीला येणार आहे. सिनेमाच्या हिंदी आवृत्तीमध्ये संजय कपूर, विनय पाठक, प्रतिमा कन्नन आणि टिन्नू आनंद यांसारख्या कलाकार झळकणार आहेत. तर तमिळ आवृत्तीमध्ये राधिका सरथकुमार, षणमुगराजा, काविन जय बाबू आणि राजेश विल्यम्स हे दिग्गज कलाकार आहेत. राधिका आपटे आणि अश्विनी काळसेकर यांचा दोन्ही आवृत्त्यांमध्ये खास कॅमिओ आहे. वरुण ग्रोव्हर लिखित प्रीतमने संगीतबद्ध केलेली गाणी लवकरच प्रेक्षकांच्या भेटीला येतील. अंंधाधून या ब्लॉकबस्टर सिनेमाचे दिग्दर्शक श्रीराम राघवन यांनी मेरी ख्रिसमसचे दिग्दर्शन केलंय.
