Kartik Aaryan Movie : पुणे : बॉलिवूड अभिनेता कार्तिक आर्यन आज आपला 33 वा वाढदिवस साजरा करत आहे. इंडस्ट्रातील मंडळींसह चाहतेही अभिनेत्याला वाढदिवसाच्या शुभेच्छा देत आहेत. त्यातच टॉप ऑफ द चेरी म्हणून अभिनेत्याला वाढदिवसाची खास भेट म्हणून धर्मा प्रोडक्शनच्या आगामी सिनेमात कार्तिक आर्यन मुख्य भूमिकेत दिसणार असल्याच करण जोहरनं जाहीर केल आहे.
कार्तिक आर्यन अन् करण जोहरचा वाद मिटला
करण जोहर आणि कार्तिक आर्यनचा वाद गेल्या अनेक दिवसांपासून सुरू होता. या वादामुळे कार्तिकला एका सिनेमातून करण जोहरनं बाहेर काढलं होतं. पण आता हा वाद मिटल्याच दिसत आहे. करण जोहरच्या आगामी सिनेमात कार्तिक आर्यन मुख्य भूमिकेत दिसणार आहे. करणच्या धर्मा प्रोडक्शच्या बॅनर अंतर्गत या सिनेमाची निर्मिती करण्यात येणार आहे.
करण जोहरने केली घोषणा
करण जोहरने आज सोशल मीडियाच्या माध्यमातून लिहिलं आहे की,”धर्मा प्रोडक्शन आणि बालाजी टेलिफिल्म्स लिमिटेडच्या बॅनरअंतर्गत कार्तिक आर्यन स्टार आणि संदीप मोदी दिग्दर्शित सिनेमाची घोषणा करत आहे. कार्तिक आर्यनच्या 33 व्या वाढदिवसानिमित्त या सिनेमाची घोषणा करण्यात आली आहे. चांगल्या दिवसाची सुरुवात चांगल्या बातमीने…संदीप मोदी दिग्दर्शित आणि धर्मा प्रोडक्शन आणि बालाजी मोशन फिक्चर्स निर्मित एका नव्या सिनेमावर काम करण्यास आम्ही उत्सुक आहोत. 15 ऑगस्ट 2025 रोजी हा सिनेमा रिलीज होणार असून या सिनेमात कार्तिक आर्यन मुख्य भूमिकेत आहे”.
कार्तिक आर्यनचे आगामी सिनेमे
कार्तिक आर्यन कबीर खानसोबत ‘चंदू चैम्पियन’ या सिनेमाचं शूटिंग करत आहे. त्यानंतर ‘कॅप्टन इंडिया’ या सिनेमाचाही समावेश आहे. हंसल मेहता या सिनेमाचं दिग्दर्शन करत आहे.
