मुंबई: माजी पाकिस्तानी क्रिकेटपटू दानिश कनेरिया यांनी बॉलीवूड अभिनेता हृतिक रोशनबद्दल एक धक्कादायक दावा केला आहे, ज्यामध्ये हृतिक रोशन याने कट्टरपंथी खलिस्तानी विचारसरणी असलेल्या अतिरेकी उपस्थित असलेल्या कार्यक्रमात हजेरी लावल्याचा दावा माजी पाकिस्तानी क्रिकेटपटू दानिश कनेरिया याने केला आहे. कार्यक्रमात उपस्थित कट्टरपंथी खलिस्तानी भारताच्या काळ्या यादीत असल्याची खळबळजनक माहिती समोर आली आहे.
कनेरिया यांच्या मते, हृतिकने अमेरिकेत एका कार्यक्रमात हजेरी लावली होती. जिथे खाण्यासाठी गोमांस होते तसेच कार्यक्रमात हिंदू देवतांचा अपमान करण्यात आला होता. कनेरिया यांनी भारतीय गायक शानबद्दलही चिंता व्यक्त केली, जो पुढील महिन्यात त्याच गटासोबत सादरीकरण करणार आहे. हृतिकचा अमेरिका दौरा वादग्रस्त ठरला आहे, चाहत्यांनी यावर संताप व्यक्त केला आहे. याव्यतिरिक्त, कार्यक्रमात ठेवण्यात आलेले गोमांस समोसे आणि दारूचे फोटो आणि व्हिडिओ व्हायरल झाले आहेत, ज्यामुळे चाहत्यांमध्ये संताप निर्माण झाला आहे.
येथे पाहा पोस्ट,
रंगोत्सव नावाने होस्टनमध्ये राम नवमीनिमित्त 6 एप्रिल रोजी आयोजित करण्यात आलेल्या कार्यक्रमाला हृतिकने हजेरी लावलेली. हृतिक किंवा शानकडून कोणताही प्रतिसाद नाही हृतिक किंवा शान दोघांनीही कनेरियाच्या आरोपांवर प्रतिक्रिया दिलेली नाही. या वादामुळे व्यापक चर्चा सुरू झाली आहे, अनेकांनी यात सहभागी असलेल्यांवर कारवाई करण्याची मागणी केली आहे.
