Gautami Patil पुणे : प्रसिद्ध नृत्यांगना गौतमी पाटीलचा कपडे बदलत असतानाचा व्हिडीओ व्हायरल करणाऱ्या एका अल्पवयीन मुलाला पुणे पोलिसांनी नगर जिल्ह्यातून ताब्यात घेतले आहे.
गौतमी पाटीलनं केली होती तक्रार..
गौतमी पाटीलचा २४ फेब्रुवारी रोजी पुण्यातील एका ठिकाणी कार्यक्रम सुरु होता. त्या कार्यक्रमावेळी कपडे बदलत असताना तिचा व्हिडिओ अज्ञात व्यक्तीकडून चित्रित करण्यात आला होता. या संदर्भात गौतमी पाटीलनं तक्रार केली होती. तर, गौतमी पाटील (Gautami Patil) सोबत नृत्य करणाऱ्या मुलीनं पुण्यातील विमानतळ पोलीस ठाण्यात याबाबत तक्रार दाखल केली होती.
मिळालेल्या माहितीनुसार, गौतमी पाटील पुण्यातील एका कार्यक्रमात कपडे बदलत असताना व्हिडीओ काढून तो समाज माध्यमांवर व्हायरल करण्यात आला होता. या प्रकारानंतर मोठी खळबळ उडाली होती. राज्य महिला आयोगानं देखील गौतमी पाटील हिच्या तक्रारीसंदर्भात तातडीनं कारवाई करण्याचे आदेश दिले होते. तर, गौतमी पाटीलसोबत नृत्य करणाऱ्या एका मुलीनं विमानतळ पोलीस स्टेशनला तक्रार दिली होती.
दुसरीकडे गौतमी पाटीलच्या कार्यक्रमाला मिळणार प्रतिसाद हा उदंड होता. तिच्या कार्यक्रमात हुल्लडबाजीच्या बातम्या या येतच असतात. हे सर्व सुरु असताना गौतमी पाटील सोबत धक्कादायक प्रकार घडला होता. तिचे कपडे बदलतानाचा व्हिडीओ एका विकृताने व्हायरल केला होता. त्यानंतर प्रसिद्धीच्या झोतात असतानाच गौतमी पाटील पार कोलमडून गेली होती.
दरम्यान, पुणे पोलिसांना या प्रकरणी मोठं यश आलं असून गौतमी पाटीलचा व्हिडिओ व्हायरल केल्या प्रकरणी एका अल्पवयीन मुलाला ताब्यात घेण्यात आलं आहे. अहमदनगर जिल्ह्यातील एका शहरातून त्या मुलाला ताब्यात घेण्यात आल्याची माहिती आहे. पुढील तपास सुरु आहे.
अधिक बातम्या वाचण्यासाठी येथे क्लिक करा….!
Gautami Patil : गौतमी पाटील इंदुरीकर महाराजांच्या त्या आरोपावर म्हणाली, मी तीन गाण्याला
Gautami Patil : गौतमी पाटीलचा व्हिडिओ पुन्हा चर्चेत; एसआयटी चौकशीची मागणी!
