Flim News मुंबई : शोले हा हिंदी चित्रपट अजूनही अनेकांच्या चांगलाच लक्षात आहे. त्यातील अनेक संवाद, ‘जय-विरू’ अर्थात अभिनेता ‘बिग बी’ अमिताभ बच्चन आणि धर्मेंद्र यांची जोडी अजूनही आठवणीत राहण्यासारखीच आहे. (Flim News) पण याच चित्रपटाच्या शूटिंगदरम्यान अमिताभ बच्चन यांचा जीव गेला असता, हे अनेकांना माहिती नसेल. (Flim News) अशाच एका किस्साची माहिती आम्ही देत आहोत. (Flim News)
शोले हा चित्रपट 1975 मध्ये रिलीज झाला. हा चित्रपट त्यावेळी चांगलाच हिट झाला. या चित्रपटात अमिताभ बच्चन आणि धर्मेंद्र प्रमुख भूमिकेत होते. शोलेतील जय आणि वीरुची जोडी आजही प्रेक्षकांच्या स्मरणात कायम आहे. या चित्रपटाच्या शूटिंगदरम्यान एक घटना घडली. या घटनेतून अमिताभ बच्चन थोडक्यात बचावले. धर्मेंद्र यांची एक चूक जीवघेणी ठरली असती.
चित्रपटात वापरल्या होत्या खऱ्या गोळ्या
‘कौन बनेगा करोडपती’ या शोमध्ये अमिताभ बच्चन यांनी एक किस्सा प्रेक्षकांशी यापूर्वी शेअर केला. त्यामध्ये त्यांनी शोले हा चित्रपट वास्तवदर्शी वाटावा यासाठी त्यात बंदुकीच्या खऱ्या गोळ्या वापरण्यात आल्या होत्या, असे सांगितले.
बंदुकीतून सुटली गोळी अन्…
या चित्रपटात एक असा सीन होता, तो तीन-चार वेळा रिटेक झाला. त्यामुळे धर्मेंद्र खूप वैतागले होते. वारंवार रिटेक होत असल्याने धर्मेंद्र यांनी वैतागून बंदूकीतून गोळी चालवली. बंदुकीतून सुटलेली गोळी अमिताभ यांच्या कानाजवळून गेली. पण त्यांचं नशीब चांगलं म्हणून ते यामधून वाचले, याची माहिती स्वत: अमिताभ बच्चन यांनीच शोमध्ये दिली.
