पुणे :बॉलिवूड अभिनेत्री सुष्मिता सेन आणि ललित मोदी यांच्या नात्याची बातमी ऐकून सर्वांनाच धक्का बसला आहे.
गुरुवारी ललित मोदींनी सोशल मीडियावर सुष्मिता सेनसोबतचा एक फोटो शेअर करून आपल्या नात्याची घोषणा केली तेव्हा सोशल मीडियावर खळबळ उडाली होती.
एकीकडे ललित मोदींच्या या पोस्टवर बॉलिवूड सेलिब्रिटी कमेंट करत होते. दुसरीकडे, यूजर्स सुष्मिताच्या मौनावर प्रश्नचिन्ह उपस्थित करत होते. त्याचवेळी ललित मोदींच्या पोस्टनंतर तब्बल 21 तासांनंतर सुष्मिता सेनने प्रतिक्रिया दिली आहे.
अभिनेत्रीने मुलींसोबतचा फोटो शेअर केला आणि लिहिले, मी आनंदी ठिकाणी आहे!!! ना विवाहित… ना अंगठी… हे तर बिनशर्त प्रेम आहे. !!”
सुष्मिता सेनने पुढे लिहिले, “पुरेसे स्पष्टीकरण दिले आहे… आता परत कामावर लक्ष केंद्रित करणार आहे!! माझ्या आनंदाला नेहमी साथ दिल्याबद्दल धन्यवाद… आणि जे साथ देत नाहीत त्यांच्यासाठी… तसेही ‘तुम्हाला याच्याशी काही देणेघेणे नाही’!!! मी तुमच्यावर प्रेम करत राहील मित्रानो!!!”
गुरुवारी संध्याकाळी 7.44 वाजता ललित मोदींनी पहिले ट्विट केले आणि सुष्मिता सेनला आपला बेटर हाफ म्हटले. त्यानंतर दोघांचे लग्न झाल्याची चर्चा होती. 42 मिनिटांनंतर, दुसर्या ट्विटमध्ये ते म्हणाले, “मी हे स्पष्ट करू इच्छितो की अद्याप लग्न केलेले नाही, फक्त एकमेकांना डेट करत आहे. एक दिवस लग्न पण होईल.
याशिवाय ललित मोदींनी इन्स्टाग्रामवरील प्रोफाइल फोटोही बदलला आहे. नव्या फोटोमध्ये तो सुष्मिता सेनसोबत दिसत आहे. इंस्टाग्राम बायोमध्ये ललित मोदींनी लिहिले आहे की त्यांनी सुष्मिता सेनसोबत नवीन आयुष्य सुरू केले आहे. सुष्मिता सेनला ललित मोदींनी पार्टनर इन क्राईम आणि ‘माय लव्ह’ असे संबोधले आहे.
ललित मोदींपूर्वी सुष्मिता सेनने रोहमन शॉलला अडीच वर्षे डेट केले होते. रोहमन आणि सुष्मिता यांच्या वयात १५ वर्षांचा फरक आहे. सुष्मिता 46 वर्षांची आहे. रोहमन 30 वर्षांचा आहे. दोघेही बरेच दिवस लिव्ह इन रिलेशनशिपमध्ये होते. सुष्मिताच्या दोन मुली रेनी आणि अलिशासोबतही रोहमनचे चांगले नाते आहेत. एवढेच नाही तर तो स्वत:ला दोघांचा बाप म्हणवून घेत आहे.
