Film News मुंबई : अभिनेत्री कंगना राणावतच्या ‘इमरजन्सी’ या चित्रपटाची सध्या चर्चा सुरू आहे. या चित्रपटाची तारीख आता समोर आली असून, यावर्षी 24 नोव्हेंबरला सर्व चित्रपटगृहांमध्ये प्रदर्शित होईल, असे म्हटले आहे. (Film News) तसेच या चित्रपटाचा टिझरही रिलीज झाला आहे. (Film News)
कंगनाने 1 मिनिट 12 सेकंदांचा चित्रपटाचा टिझर शेअर करत म्हटले की, हा चित्रपट याच वर्षी 24 नोव्हेंबरला चित्रपटगृहांमध्ये प्रदर्शित होईल. यापूर्वी हा चित्रपट ऑक्टोबर महिन्यात प्रदर्शित केला जाईल असे सांगितले जात होते. मात्र, आता नोव्हेंबरमध्ये प्रदर्शित केला जाणार आहे. ‘इमरजन्सी’ हा चांगलाच चर्चेत राहिलेला चित्रपट आहे. हा चित्रपट हिंदी भाषेत प्रदर्शित केला जाईल. या चित्रपटाचे दिग्दर्शन कंगनाने स्वतः केले आहे तर पटकथा रितेश शाह यांनी लिहिली आहे.
चित्रपटात इंदिरा गांधींचा तत्कालीन प्रवास
‘इमरजन्सी’ या चित्रपटात भारताच्या माजी पंतप्रधान इंदिरा गांधी यांचा तत्कालीन जीवन प्रवास दाखवला आहे. त्यांनी 1975 मध्ये घडलेल्या घटनांचा कशाप्रकारे सामना केला. हे या चित्रपटात दाखवण्यात आले आहे. त्यामुळे अनेकांना याची उत्सुकता आहे.
