Film News : मुंबई : बॉलिवूडमध्ये सध्या अनेक सिनेमा येत आहेत. काही चांगलेच हिट होतात तर काही फ्लॉप होतात. पण बॉलिवूडमध्ये असे काही सिनेमे झाले त्यांचं एकाच शब्दात नाव होतं. मात्र, त्याची कमाई ही 11 अंकात झाली होती. होय…कमाई झाली होती कोटींमध्ये…तर जाणून घेऊया याच सिनेमांबाबत…
भारताबाहेर या चित्रपटाला चांगलीच पसंती
आमिर खान स्टारर चित्रपट ‘दंगल’ 2016 मध्ये रिलीज झाला होता. या चित्रपटाने प्रदर्शित होताच भारतातून 500 कोटींहून अधिक कमाई केली होती. यासोबतच भारताबाहेर चीनमध्येही या चित्रपटाला चांगलीच पसंती मिळाली होती. चीनमध्ये लोकांनी या चित्रपटाला भरभरून प्रेम दिले आणि त्याची कमाई लक्षणीयरीत्या वाढली.
शाहरुख खानचा ‘जवान’ हा चित्रपट 7 सप्टेंबर 2023 रोजी प्रदर्शित झाला होता. या सिनेमा सलग 41 दिवस थिएटरमध्ये सुरू आहे. साऊथ डायरेक्टर अॅटलीच्या या चित्रपटाने 41 दिवसांत 1140 कोटींची कमाई केली आहे. एका शब्दाचे शीर्षक असलेल्या या चित्रपटाने बॉक्स ऑफिसवर चांगलाच धुमाकूळ घातला आहे. या चित्रपटाने पहिल्याच दिवशी 100 कोटींहून अधिक कमाई केली होती.
दिग्दर्शक राजकुमार हिरानी यांचा 2018 मध्ये रिलीज झालेला ‘संजू’ चित्रपट बॉक्स ऑफिसवर हिट ठरला होता. संजय दत्तच्या जीवनावर आधारित हा चित्रपट बॉक्स ऑफिसवर जबरदस्त हिट झाला आणि जगभरात 578 कोटींहून अधिक कमाई करून वर्षातील सर्वाधिक कमाई करणारा चित्रपट ठरला.
