मुंबई : बॉलिवूड आणि टेलिव्हिजन विश्वातील प्रसिद्ध निर्माती एकता कपूर हिच्या अडचणीत वाढ झाली आहे. एकता कपूर आणि तिची आई शोभा कपूर यांच्याविरोधात पोक्सो अंतर्गत गुन्हा दाखल करण्यात आला आहे. ओटीटी प्लॅटफॉर्म अल्ट बालाजी च्या ‘गंदी बात’ या वेब सीरिजच्या काही अडल्ड सीनमुळे एकता कपूर आणि तिची आई अडचणीत सापडल्या आहेत.
‘गंदी बात’ या वेब सीरिजच्या सीझन 6 च्या एका एपिसोडमुळे अल्पवयीन मुलींची अश्लील दृश्ये आहेत. असे दृश्य दाखवल्याप्रकरणी एकता कपूर आणि तिची आई शोभा कपूर यांच्याविरोधात गुन्हा दाखल करण्यात आला आहे.
तक्रारदाराने न्यायालयाकडे या प्रकरणात कठोर कारवाईची मागणी केली आहे. आधुनिक डिजिटल मनोरंजनाच्या युगात, या प्रकारच्या गुन्ह्यांचे गंभीर परिणाम अतिशय वाईट होऊ शकतात, अशी नोंद केली आहे. बालकांचे संरक्षण आणि त्यांच्या हक्कांचे उल्लंघन होणार नाही, याची काळजी घेणे अत्यंत आवश्यक आहे.
