मुंबई : बॉलिवूड स्टार कपल दीपिका पादुकोण आणि रणवीर सिंह यांच्या घरी दि. 08 सप्टेंबर रोजी चिमुकलीचं आगमन झालं. दिवाळीच्या मुहूर्तावर लक्ष्मी पुजेच्या दिवशी या जोडप्यानी नाव जाहीर करून ‘दुआ पादुकोण’ सिंग ठेवले. आता आई दीपिका डिलिव्हरीनंतर पहिल्यांदाच मीडियासमोर आली आहे. इतकंच काय तर दो महिन्यानंतर लाडक्या दुआची पहिली झलक मीडियाच्या कॅमेऱ्यामध्ये कैद झाली आहे. ज्याफोटोमध्ये दीपिकाच्या उराशी चिमुकली ‘दुआ’ बिलगलेली असून बाजूला रणवीर सिंह दिसत आहे.
अलीकडेच दीपिका आणि रणवीर हे दोघे मुंबईतील कलिना विमानतळावर दिसून आले. ते कुटुंब सुट्टीवर गेले असं वाटते आहे. दीपिका पदुकोणने साधा टॉप घातला आहे, तर रणवीर सिंग गुलाबी ट्रॅक हुडीमध्ये दिसला. त्याचा पोशाख दुआशी जुळत होता. आईच्या खुशीत असलेली दुआ गुलाबी रंगाची पँट परिधान केलेली दिसली. जरी तिचा चेहरा पूर्णपणे झाकलेला असला तरी तिची छोटी झलक पाहून चाहत्यांना आनंद होत आहे.
अलीकडेच दीपिकाचा ‘सिंघम अगेन’ हा चित्रपटही प्रदर्शित झाला पण, दीपिका पदुकोण चित्रपटाच्या कोणत्याही प्रमोशनल इव्हेंटमध्ये दिसली नाही. त्यामुळे चाहत्यांची निराशा झाली. पण आता चाहत्यांना अखेर दीपिकाची झलक पाहण्याची संधी मिळाली आहे.
दरम्यान, कामाबद्दल बोलायचं तर, रोहित शेट्टी दिग्दर्शित सिंघम अगेन सिनेमात दीपिका – रणवीरने कॅमिओ केला आहे. त्याशिवाय रणवीर धुरंदर आणि डॉन ३ या सिनेमातूनही प्रेक्षकांच्या भेटीला येणार आहे.
View this post on Instagram
