मुंबई : अभिनेत्री आलिया भट्ट आणि रणबीर कपूरनंतर, आता बिपाशा बसू आणि करण सिंह ग्रोव्हरही आई-वडील झाले आहेत. बिपाशा बसू हिने १२ नोव्हेंबर एका गोंडस मुलीला जन्म दिला. बिपाशा बसू वयाच्या ४३व्या वर्षी आई झाली आहे.
नुकत्याच काही दिवसांपूर्वी आलिया-रणबीर आई-बाबा झाले. त्यांच्या नंतर या लिस्टमध्ये आता बिपाशा-करणचं नाव देखील जोडलं गेलं आहे. या बातमीमुळे बिपाशा-करणवर शुभेच्छांचा वर्षाव होत आहे.
लहानग्या परीच्या येण्याने बिपाशा-करणचं कुटुंब आता पूर्ण झालं आहे. बिपाशा आई झाल्याची बातमी कळताच तिचे चाहते आणि बॉलिवूड कलाकार देखील तिला अनेक शुभेच्छा देत आहेत.
ऑगस्टमध्ये बिपाशा बसूने तिची गुडन्यूज चाहत्यांसोबत शेअर केली होती. तेव्हापासून ही जोडी सोशल मीडियावर अनेकदा ग्लॅमरस फोटो शेअर करत होती. 2016 मध्ये दोघांनी लग्न केले. बिपाशासोबतचे हे त्याचे तिसरे लग्न आहे.
बिपाशा बसू आणि करण सिंह ग्रोव्हर हे टीव्हीच नव्हे तर, बॉलिवूड जगतातील पॉवर कपल आहेत. बिपाशाने 2001 मध्ये तिच्या फिल्मी करिअरची सुरुवात ‘अजनबी’ या सिनेमातून केली होती.
या चित्रपटात तिने अक्षय कुमारसोबत काम केले होते. याशिवाय बिपाशा बसूने ‘राज’, ‘रक्त’, ‘फूटपाथ’, ‘ऐतबार’सह अनेक सुपरहिट चित्रपटांमध्ये काम केले
