Bigg Boss 17 : मुंबई : सोनी टीव्हीवरील रिअॅलिटी शो ‘बिग बॉस’ला चांगलीच प्रसिद्धी मिळाली आहे. सध्या या रिअॅलिटी शोचा 17 वा सीझनही चर्चेचा विषय ठरला आहे. टीआरपी चार्टमध्येही हा शो आपला दबदबा कायम ठेवत आहे. ‘बिग बॉस 17’मध्ये सर्व सेलिब्रिटी स्पर्धक त्यांच्या कामगिरीने प्रेक्षकांचे मनोरंजन करत आहेत.
अभिनेता सलमान खान या शोचे होस्ट करत आहे. प्रत्येक वीकेंडला स्पर्धकांसाठी एकप्रकारे क्लासेसच घेतो. मात्र, ‘वीकेंड का वार’मध्ये नाट्यमय घडामोडी झाल्या. यामध्ये सलमान खानही नाराज दिसला. अशा परिस्थितीतच होस्ट सलमान खान रागाच्या भरात असं काही बोलला की ज्यामुळे ‘बिग बॉस’चे चाहते प्रचंड विचारात पडले आहेत.
सलमान खान याने म्हटले की, ‘तुम्हा सर्वांना सोयीस्कर व्हावे म्हणून मी नेहमी माझ्या टोनमध्ये विनोद करत असतो. मी ‘बिग बॉस’चे अनेक सीझन होस्ट केले आहेत आणि मला जे काही द्यायचे होते ते मी शोमध्ये दिले आहे. पुढच्या वर्षी असेन किंवा नसेन. मला कोणाचा ट्यूटर बनण्यात स्वारस्य नाही’.
अनुराग डोवालचे घेतले नाव
जेव्हा सलमान खानने घरातील सदस्यांना निर्मात्यांना दोष देणाऱ्या स्पर्धकाचे नाव विचारले तेव्हा मुनव्वर आणि इतर सर्वांनी अनुराग डोवालचे नाव घेतले. सलमान खान म्हणाला, ‘मी जेव्हा स्पर्धकांविरोधात बोलतो तेव्हा मला ते आवडत नाही. या हंगामात असे घडले नाही कारण मी स्पर्धकांवर ओरडायचे नाही असं ठरवल्याचे तो म्हणाला.
