मुंबई – कॉमेडियन राजू श्रीवास्तव यांचे एम्स रुग्णालयात निधन झाले आहे. त्यांना हृदयविकाराचा झटका आला होता. त्यांच्यावर गेल्या ४१ दिवसांपासून रुग्णालयात उपचार सुरू होते. ते 58 वर्षांचे होते. त्यांना व्हेंटिलेटरवर ठेवण्यात आले होते. त्यांच्यावर डॉक्टरांची मोठी टीम उपचार करत होती. मात्र त्यांचे प्रयत्न अपयशी ठरले असून आज अखेर राजू श्रीवास्तवयांची प्राण ज्योत मालवली. त्यांच्या पार्थिवावर उद्या किंवा परवा अत्यंसस्कार करण्यात येणार असल्याची माहिती समोर येत आहे.
राजू श्रीवास्तव संपूर्ण जगभर कॉमेडी शो करत होते. त्याचप्रमाणे त्यांनी आपली ऑडिओ व्हिडीओ सीरिजही काढली होती. आतापर्यंत त्यांनी अनेक जाहिरातीतही काम केलं आहे. राजू श्रीवास्तव यांनी 1993 मध्ये लग्न केले होते. शिखा श्रीवास्तव असं त्यांच्या पत्नीचं नाव असून त्यांना दोन मुले आहे.
