मुंबई :‘बिग बॉस मराठी सीजन 5’चा फिनाले झाला आहे. टॉप 2 फायनलिस्टपर्यंत अभिजीत सावंत आणि सूरज चव्हाण हे दोघे पोहोचले होते. निकी तांबोळी ही बिग बॉसच्या टॉप 3 मधून बाहेर पडली. आता बिग बॉस मराठी सीजन 5 ला त्याचा विजेता मिळाला आहे. बारामतीचा सूरज चव्हाण हा बिग बॉस मराठी सीजन 5’चा विजेता ठरला आहे. सूरज चव्हाण ज्यावेळी बिग बॉसच्या घरात दाखल झाला होता तेव्ह अनेकांच्या भूवया उंचावल्या होत्या. अस्सल ग्रामीण बाज असणाऱ्या सूरजची सुरूवातीच्या काळात बिग बॉसच्या घरात खिल्ली उडवली गेली. आता तोच सूरज चव्हाण बिग बॉस मराठी सीजन 5 चा विजेता ठरला आहे.
सूरज चव्हाण हा मुळ बारामतीचा असून तो सोशल मीडियावर सक्रिय असतो. सूरजच्या घरची परिस्थिती हलाखीची आहे. त्याच्या लहानपनीच त्याच्या आई वडिलांच निधन झालं होतं. त्याच्याकडे राहण्यासाठी साधे घर सुद्धा नाही. सूरजवर प्रेक्षकांनी प्रचंड प्रेम केल्याचे बघायला मिळत आहे.
सूरज चव्हाण याचे शिक्षणही अत्यंत कमी झाले असून त्याला नीट मराठी सुद्धा वाचता येत नाही. सूरज चव्हाणची तरूणाईमध्ये एक वेगळीच लोकप्रियता आहे, सोशल मीडियावर वेगवेगळे व्हिडीओ तयार करत ग्रामीण भागातील मुले सूरज याला मत देण्यासाठी विनंती करत होते. आता तोच सूरज चव्हाण बिग बॉसचा विजेता ठरला आहे.
