मुंबई: जेसन मोमोआ स्टारर चित्रपट ‘अॅक्वामॅन अँड द लॉस्ट किंगडम’चे प्रदर्शन भारतात रोखण्यात आले आहे. आता हा चित्रपट इंग्रजी व्हर्जनसह 21 डिसेंबर रोजी भारतात प्रदर्शित होणार नाही. हा चित्रपट हिंदी, तामिळ आणि तेलुगू या तीन भाषांमध्ये डब व्हर्जनसह भारतात प्रदर्शित होणार होता, परंतु आता तो गुरुवारी 21 डिसेंबर रोजी प्रदर्शित होणार नसून शुक्रवारी म्हणजेच 22 डिसेंबर रोजी चित्रपटगृहात दाखल होणार आहे.
वृत्तांवर विश्वास ठेवला तर, या चित्रपटाचे डब व्हर्जन अद्याप सेन्सॉर बोर्डाने पाहिलेले नाही, त्यामुळे त्याची रिलीज डेट एक दिवस पुढे ढकलण्यात आली आहे. ‘अॅक्वामॅन अँड द लॉस्ट किंगडम’ हा वॉर्नर ब्रदर्स पिक्चर्स निर्मित 2018 साली रिलीज झालेल्या ‘एक्वामॅन’चा पुढचा भाग आहे. भारतात हा चित्रपट 3D आणि IMAX 3D मध्ये प्रदर्शित होणार आहे.
